RYUREITUHPAZY 6:20 - Mara Bible RV (BSI)

²⁰ Khazohpa vâlyuhchâpa ta a hnohta, “Sa nata viahchhâ thinô pahlao leipa kha la la, lôpanô chô liana heta soh la, a chô liata sa tihâh kha patlai thlu teh,” tah ta. Cha hawhna chata tao ta.

RYUREITUHPAZY 6:20 ပူးပေါင်းရင်းမြစ်များ

ÂTHAONA 18:3

“Ei Beipa, na mo dypa ei châ khiahta la, ngiachhiepa ta na sei he na khôsai khah y.

RYUREITUHPAZY 13:15

Manôah ta Abeipa vâlyuhchâpa hnohta, “Ngiachhiepa ta cha thlyu aw pi ta, mietaw eima cha thiepa aw,” tah ta.

RYUREITUHPAZY 13:16

Abeipa vâlyuhchâpa ta Manôah hnohta, “Na thlyu hra la, na pati la nie aw va na. Châhrasala raopa hlâna a chhuanohpa na châ khiahta deikua cha, Abeipa lâta hlâ mah y,” tah ta. Manôah ta ano cha Abeipa vâlyuhchâpa a châ tahpa pahno leipa ta.

RYUREITUHPAZY 13:19

Chatawhcha Manôah ta mietaw cha niepa hlâna chhaota la ta, lôpanô chô liata Abeipa hmo noâhpa taotuhpa lâ cha hlâ ta. Manôah nata a lapinô cha moh thlâh ha ei ta.

RYUREITUHPAZY 6:19

Chatawhcha Kidia cha a o lâ vawh ta, mietaw pasyuh ta, viahdie kachu hmo kha ta thinô pahlao leipa viahchhâ tao ta. A sa cha hrâbyh liata khô ta, tihâh cha beih liata soh ta, ôkâ tho ry liata Abeipa vâlyuhchâpa lâ cha cheih ta, hlâ ta.

RYUREITUHPAZY 6:21

Abeipa vâlyuhchâpa ta a chôchahrei chabapa pawhmao ta sa nata viahchhâ cha kei saoh ta, lôpanô tawhta mei vaw pua ta, sa nata viahchhâ thinô pahlao leipa cha a kâ khai haw. Chatawhcha Abeipa vâlyuhchâpa ta Kidia cha siesai ha ta.