RYUREITUHPAZY 6:19 - Mara Bible RV (BSI)

¹⁹ Chatawhcha Kidia cha a o lâ vawh ta, mietaw pasyuh ta, viahdie kachu hmo kha ta thinô pahlao leipa viahchhâ tao ta. A sa cha hrâbyh liata khô ta, tihâh cha beih liata soh ta, ôkâ tho ry liata Abeipa vâlyuhchâpa lâ cha cheih ta, hlâ ta.

RYUREITUHPAZY 6:19 ပူးပေါင်းရင်းမြစ်များ

ÂTHAONA 18:3

“Ei Beipa, na mo dypa ei châ khiahta la, ngiachhiepa ta na sei he na khôsai khah y.

ÂTHAONA 18:5

Châ chakaotuhpa hnohta a vy ha ei chi ta, viahchhâ chyhta kei la aw na ta, nama tha a padâh chy teh u. Cha khai tawhta sie lah vâ ei chi,” tah ta. Âmo ta, “A pha na, na reipa hawhna chata tao mah y,” tah ei ta.

THEIHTHAINA 2:4

“Viahchhâ taona beih ta viahchhâ taopa niepa hlâna na hlâ tita, viahdie dipa nata sathaw pahlaopa ta taopa thinô pahlao leipa viahchhâ pakâhpa tlyma, sathaw hniapa thinô pahlao leipa viahchhâ apapa tlyma na hlâ awpa a châ.

MATHAI 13:33

Zisu ta pakhona bie hropa ama hnohta reih heih ta, “Vârâh khinarâh cha chanô ta thinô la ta, viahdie saikhua miathôh liata pabu ta a zydua ta a thyu khai hapa hawhta a châ,” tah ta.

RYUREITUHPAZY 13:20

Maisâh tawhta meipaleih avâ la a kia ngâ nota, Abeipa vâlyuhchâpa cha maisâh meipaleih hry liata avâ lâ kiah ta. Manôah nata a lapinô ta moh thlâh ha ei ta, alei liata âkhu lâta pao ei ta.

RYUREITUHPAZY 6:18

Hmohlâpa vaw cheipa ta nâ lâ a vy aw na ta, na hmiakô liata ei soh hlâlei cha, ngiachhiepa ta he su tawhta a pasie khah y,” tah ta. Ano ta, “Nâ vy hlâlei ei vaw y thlâh ha aw,” tah ta.

RYUREITUHPAZY 6:20

Khazohpa vâlyuhchâpa ta a hnohta, “Sa nata viahchhâ thinô pahlao leipa kha la la, lôpanô chô liana heta soh la, a chô liata sa tihâh kha patlai thlu teh,” tah ta. Cha hawhna chata tao ta.