RYUREITUHPAZY 6:15 - Mara Bible RV (BSI)

¹⁵ Kidia ta a hnohta, “Hy ei zibeipa, kheihta ma Izarei cha ei pachha thei aw? Moh tua, ei pho he Manase chi liata thatlô lei chaipa pho châ ta, keima tlai chhao he ei chhôhkha liata a nawh chaipa ei châ hih,” tah ta.

RYUREITUHPAZY 6:15 ပူးပေါင်းရင်းမြစ်များ

ÂTHAONA 32:10

châ chakaotuhpa chô liata ngiachhiena nata ngâchhihna na palâsapa zydua hry liata a chyh chaipa chhao a phuh va na. Ei chôchahrei deita a chhypa ta Zawdâh he vaw chaka na ta, tahmâ cha py no eima vaw châ haw.

PUASAINA 3:11

Mawsi ta Khazohpa hnohta, “Phiraoh lâ zu ta, Izarei sawzy Izi râh tawhta a chhi papua awpa ta, kei he ahy ma ei châ tly?” tah ta.

PUASAINA 4:10

Châhrasala Mawsi ta Abeipa hnohta, “Hy ei Beipa, kei la pakah paleih thaipa châ leipa na ta, khahlâ tawhta nata châ chakaotuhpa hnohta bie na reih tawhna chhao heta, kahchôleiâpa nata reikah sôpa châ tlôh na ta,” tah ta.

ZEREMIAH 1:6

Kei ta, “Âh, Abeipa Zehôvâh, moh tua, hawtipa deita châ na ta, bie reizie chhao thai va na,” tah na ta.

ZEREMIAH 50:45

Chavâta Babylaw chô liata Abeipa ta tao â chhuahpa he nathlie u la, Kaldia râh chô liata tao â chhuahpazy he nathlie teh u: Ama sahroh zaw tawzy a daophipa châ aw ei ta, ama hmo a tyhpa cha ama tlaihna sibiepa suzy taihta rarôh y ama tah aw.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

LUKA 1:34

Mâri ta vâlyuhchâpa hnohta, “Cha cha kheihta a châ thei aw, laihsa kôpa châ tlôh na ta?” tah ta.

1 KAWRINI 15:9

Kei la lyuhchâpazy hry liata chyh chaipa châ na ta, Khazohpa Awnanopa ei taolapa vâta, lyuhchâpa ta bi tlâh chhao châ va na.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

RYUREITUHPAZY 6:11

Chatawhcha Abeipa vâlyuhchâpa a vy ta, Ôpharâ khih liata ôkâ tho ry liata a tyuh ta. Cha ôkâ tho cha Abieze chi Zôasâ eih a châ. A sawchapawpa Kidia cha Midia mo ta ama hmô lei nawpa ta, kre saohna khaoh liata arulâta sâh tly ta.

1 SAMUELA 18:23

Cha biezy cha Sawla chakaotuhpazy ta Dâvi nah theina liata reih ei ta. Dâvi ta, “Abei piahpa châpa he hmo chynawhpa hawhta a pachâpa dua nama lyu thlâh haw? Keima hawhpa dyhchhiepa nata mohnao chhihpa chyhsa châta cha, hmo naopa naikawh ma châ vâ,” tah ta.

1 SAMUELA 9:21

Sawla ta a chhy ta, “Kei he Izarei chi hry liata chi chyh chaipa Benzami chi châ va na mâ? Ei pho chhao Benzami chi pho zydua hry liata pho chyh chaipa châ vei mâ? Kheihtazieta he hawhta ei hnohta a reihpa ma na châ tly?” tah ta.