RYUREITUHPAZY 6:13 - Mara Bible RV (BSI)

¹³ Kidia ta a hnohta, “Hy ei zibeipa, Abeipa eima hnohta a y tlôh khiahta cha, khazia ma he hawhpa hmo zydua he eima chô liata a vaw tlô tly? Miah pathlatuhpazy ta miah ama chho tyhpa, a hmo noâh taopa zydua kha khataih liata ma a y khai ha tly? ‘Abeipa ta Izi râh tawhta miah â kaw chhi,’ tahpa ta miah chho ei ta, tahmâ cha Abeipa ta miah pathlua ha ta, Midia ku liata miah a hlâ ha he zaw,” tah ta.

RYUREITUHPAZY 6:13 ပူးပေါင်းရင်းမြစ်များ

ÂTHAONA 25:22

A saw phaopazy cha a py chhôh liata a chatôh ei ta, Rebekâ ta, “Hmo phapa a châ tlôh khiah, khazia ma he hawhta ei y tly?” tah ta. Abeipa hiahri awpa ta sie ta.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

HLAZY 27:9

Hy nâ bao tyhtuhpa y, Keima tawhta na hmia nyu leipa la, Châ chakaotuhpa he hiehâhpa ta na pakuasa khah y. Hy ei pachhana Khazohpa y, Na thy leipa la, na siesai khah y!

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

HLAZY 44:2

Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

HLAZY 44:9

Tahmâ deikua cha miah dythapa ta, Eima noh miah pazao ha chi ta, Eima pheisaihzy hnohta adyuhna lâ sie khao va chi.

HLAZY 89:49

Hy Abeipa, na kyhpachâna tleih beih leipa kha, Khataih liata a y haw? Hmeiseihpa ta Dâvi hnohta bie nâ taihpa kha, Khataih liata a y haw?

ISAI 41:17

Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

ZEREMIAH 23:33

“He phopi hry tawhta ahy ta tlyma, hrohso­pa ta tlyma, theihthaipa ta tlyma, ‘Abeipa phaohri cha khâpa ma a châ,’ tahpa ta ama cha hiahri khiahta cha, ‘Nâmo he phaohri cha châ ei chi ta, chavâta ei cha thy aw ei, Abeipa ta a tah,’ tahpa ta nâ chhy aw ei.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RYHPACHANEINA 29:24

Phopi to ta, ‘Khâpa vâta ma Abeipa ta cha râh cha, cha hawhta a tao tly? Cha hawhta hiehâhna ru ngaitapa a patlôsapa cha, khâpa ma a chhâpa a châ tly?’ ama tah aw.

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.

RYUREITUHPAZY 6:1

Izarei sawzy cha Abeipa mohmô ta moleina hmo tao heih ei ta. Chavâta Abeipa ta âmo cha Midia mo ku liata kô sari paysa ta.

RYUREITUHPAZY 6:12

Abeipa vâlyuhchâpa a hnohta a vaw luah ta, a hnohta, “Nâ, chyhsa thatlôpa nata riahphapa y, Abeipa na hnohta a y,” tah ta.