RYUREITUHPAZY 5:28 - Mara Bible RV (BSI)

²⁸ “Siserâ nô cha opy tawhta saipa ta, Samokaw tawhta chaphôhtu ta, ‘Khazia Siserâ talailih a vaw tlô to vei tly? Khazia a talailih pheizy a nainôsô tly i?’ tah ta.

RYUREITUHPAZY 5:28 ပူးပေါင်းရင်းမြစ်များ

2 ABEIZY 1:2

Ahazia cha Samâri liata a o chô chhôhpadâhpa diahpai opy tawhta tla ta, pasa ha ta. Chavâta lyuhchâpazy tuah ta, ama hnohta, “Sie u la, ei pasapa he ei tlâh thei aw ma tahpa Ekaraw khih khazoh Bâlâzebu kei hiahri teh u,” tah ta.

BIESOZY 7:6

Ei o opy samokaw tawhta, Khôtho lâ sai na ta,

HLAZY HLA 2:9

Ei lôhdupaw cha sakhih lyu ta, Zuneih tôh dawpa a lyu. Moh teh u, eima pâhchhô a pahlipa ta a duah ta, Opyzy tawhta vaw moh ta, Samokaw tawhta a vaw sai ngâ kaw huh.

HLAZY HLA 8:14

Hy ei lôhdupaw, a para teh, Sakhih hawhta châ la; Ropahâhpa tlâhpizy liata, Zuneih tôh lochopa lyu mah y.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.

RYUREITUHPAZY 4:15

Abeipa ta Siserâ nata a talailih zydua nata a pheisaih zydua cha zaozi ta a dyuh ta, Bâraka hmiakô liata âmo cha patypamâ ta. Siserâ cha talailih tawhta chô ta, a phei ta a râ ta.

RYUREITUHPAZY 5:27

A phei thaby liata a bôhpa ta pao ta, Cha liata â zawh thlâh haw; A phei thaby liata a bôh ta, Â bôhna su liata pao ta, Cha liata a thi haw.

RYUREITUHPAZY 5:29

Abeizuah so chaipazy ta a chhy ei ta, Hmeiseihta la, anosasyh ta tlao â chhypa a châ: