RYUREITUHPAZY 5:20 - Mara Bible RV (BSI)

²⁰ Avâ tawhta awhsizy ta a zâ dyuh ei ta, Ama su tawhta Siserâ ama zâ dyuh.

RYUREITUHPAZY 5:20 ပူးပေါင်းရင်းမြစ်များ

2 SAMUELA 18:8

Adyuhna cha râh chhôh zydua liata tlô ta, cha noh ta râhmâhpa ta chyhsa a palâpa cha, zaozi ta a palâpa hlâ chhao ta ama hluh via.

ZAWSUA 10:10

Abeipa ta Izarei sawzy hmiakô liata Amawri mo cha patypamâsa ta, Kibiô liata thata thie ei ta, Behôrô lâ khyna lâpi lâta a chadai ei ta, Azekâ nata Mâkedâ khihpi taihta thie lymâ ei ta.

ZAWSUA 10:11

Izarei sawzy hmiakô tawhta a râpai ei ta, Behôrô chhutla ama chô hai nota, Abeipa ta avâ tawhta pareih laipa za patlasa ta, Azekâ tlôna taihta âmo cha daih lymâ ta, thata thi ei ta. Izarei sawzy ta zaozi ta ama thiepazy hlâ chhao ta pareih ta a daisaopa ama hluh via.

ZAWSUA 10:12

Abeipa ta Izarei sawzy ku liata Amawri mo a pie noh ta, Zawsua ta Abeipa bie a chho ta, Izarei sawzy mohmô liata, “Noh y, Kibiô chô liata a duah la, Thlâpâ y, Aizalô saikao chô liata a duah mah y,” tah ta.

RYUREITUHPAZY 4:15

Abeipa ta Siserâ nata a talailih zydua nata a pheisaih zydua cha zaozi ta a dyuh ta, Bâraka hmiakô liata âmo cha patypamâ ta. Siserâ cha talailih tawhta chô ta, a phei ta a râ ta.

RYUREITUHPAZY 5:21

Kisaw tily ta âmo cha phaoh ta, Chavah hlôpa, Kisaw tily ta a phaoh ha ei. Hy ei thlahpa, sie la, Thatlôpa ta sie lymâ mah y.

1 SAMUELA 7:10

Samuela ta raopa hlâna a hlâ hai no tlai chata, Philistinâ mo cha Izarei a dyuh awpa ta a vaw hnia ei ta. Châhrasala cha noh liata Abeipa ta Philistinâ mo chô liata tôkalôhpa thata vaw pathuasa ta, âmo cha patypamâ ta, Izarei hmiakô liata panawhpa ta y ha ei ta.