RYUREITUHPAZY 5:19 - Mara Bible RV (BSI)

¹⁹ “Abeizy a vy ei ta, a dyuh ei ta, Kâna beizy ta Mekidô tizy kiah Tânâ liata amâ vaw dyuh; Hraona sôh lapa rai hnei veih ei.

RYUREITUHPAZY 5:19 ပူးပေါင်းရင်းမြစ်များ

ÂTHAONA 14:22

Abarâ ta Sawdawmâ bei hnohta, “Lei nata vâ hneituhpa Khazohpa Chônôchaipa, Abeipa lâta bie a taih ha na ta,

ÂTHAONA 4:16

Chatawhcha Kainâ cha Abeipa mohmô tawhta pua ta, Idâh nochhi lâta Nawdâ râh liata pahrâ ta.

1 ABEIZY 4:12

Ahilu sawchapawpa Bânâ ta Tânâ, Mekidô nata Zezari nohdi Zarethâ khihpi kiapâh liata a ypa Besia kao zydua nata Besia tawhta Abemehôlâ taih a vao ta, Zôkamia râhri taihta â vao.

2 ABEIZY 23:29

Zôsia â bei nota, Izi bei Phiraoh Nekô cha Asuria bei a dyuh awpa ta Ufrâti chavah lâ khy ta. Bei Zôsia cha sie ta, Phiraoh Nekô cha Mekidô khih liata a kei duakhâh ta. Phiraoh Nekô ta Zôsia cha hmô ta, a thie haw.

2 THÂTIHZYRONA 35:22

Châhrasala Zôsia ta kuasai khoh leipa ta, Nekô cha a dyuh awpa ta â lânazie a panano ta. Khazohpa pakah tawhta Nekô bie reipa cha nathlie khoh leipa ta, a dyuh awpa ta Mekidô bypi lâ sie ta.

HLAZY 44:12

Na chyhsazy he sôh chyhta ta zuah chi ta, Ama mâ rupa zie ta haw va chi.

ZAWSUA 12:21

Tânâ bei pakha, Mekidô bei pakha,

ZAWSUA 17:11

Iskâra nata Asera râhzy liata chhao Manase ta khihpizy hnei ta, Besia nata a khichapeihzy, Ibalia nata a khichapeihzy, Dôrâ khihsawzy nata a khichapeihzy, Enadô khihsawzy nata a khichapeihzy, Tânâ khihsawzy nata a khichapeihzy nata Mekidô khihsawzy nata a khichapeihzy cha Manase khihpizy châ ei ta, bia thôh a ô.

BIEPHUAH 16:16

Chatanachata ahripa thlahpazy ta khizaw bei zydua cha Hebrai reih ta Harmakedaw ama tahpa su liata awpakhy ei ta.

BIEPHUAH 19:19

Chatawhcha arâ a kiahpa nata a pheisaih a dyuh awpa ta, sahrâhpa nata lei beizy nata ama pheisaihzy amâ hmaohpa hmô na ta.

RYUREITUHPAZY 1:27

Manase pathlazy ta Besia nata a khichapeih liata pahrâpazy, Tânâ nata a khichapeih liata pahrâpazy, Dôrâ nata a khichapeih liata pahrâpazy, Ibalia nata a khichapeih liata pahrâpazy, Mekidô nata a khichapeih liata pahrâpazy papua leipa ei ta. Kâna mo ta cha râh liata pahrâ awpa khâchâ amâ chhuah hapa vâta ama papua leipa a châ.

RYUREITUHPAZY 4:13

Siserâ cha a talailih zydua pahmaoh ta, thua talailih 900 hnei ta, Hârôse Hâkôi tawhta Kisaw chavah taihta a awpakhypa a chyhsa zydua a hnohta y ei ta.

RYUREITUHPAZY 5:30

‘Hraona sôh hmô ei ta, Amâ rai ngâpa a châ aw, Mopakha ta laihsa pakha pano chyu ta amâ rai ngâpa a châ aw; Siserâ châta hraona poh rôh nypa, Hraona poh rôh nypa kikypa, Rao liata a ao awpa hraona poh rôh nypa kikypa cha, Siserâ châta zo no a châ aw,’” tah ta.