RYUREITUHPAZY 5:14 - Mara Bible RV (BSI)

¹⁴ “Amale liata thari a thlapa Epharai mo a zu ei ta, Hy Benzami, na chiheihzy ta ama cha pazi; Mâkhi tawhta ryureituhpazy a zu ei ta, Zebulawna tawhta pheisaih hyutuhpa chôchahrei a chabapazy amâ zu.

RYUREITUHPAZY 5:14 ပူးပေါင်းရင်းမြစ်များ

ÂTHAONA 35:22

Cha râh liata Izarei a y nota, Rubena cha vawh ta, a paw nôtho Bilhâ a ziakhei ta. Izarei ta cha cha pahno ha ta. Zakaw cha sawchapaw pahrawh hleino hnei ta.

ÂTHAONA 35:23

Liah sawchapawzy cha Zakaw sawchapaw uhtheipa Rubena, Simeôna, Livai, Zudâh, Iskâra nata Zebulawna zy ama châ.

ÂTHAONA 35:24

Râkheli sawchapawzy cha Zawsi nata Benzami ama châ.

HLAZY 68:27

Hawti chaipa Benzami ta âmo cha chhihtha ta, Zudâh chhituhpa hluhpi y ei ta, Zebulawna nata Nâthalai chhituhpazy amâ hlao hra.

HÔSIA 5:8

Kibia liata saki tô teh u; Râmâ liata chiahmie tô u la, Bethave liata adyuhna pyu parosa teh u; Hy Benzami, eima cha pazi.

RYUREITUHPAZY 12:15

Chatawhcha Pirathô chyhsa Hile sawchapawpa Abadaw cha thi ta, Amale mo tlâh râh liata a ypa Epharai râh Pirathô khih liata ama pabu.

RYUREITUHPAZY 3:13

Ekalaw ta Amawna mo nata Amale mo cha ano bao awpa ta hrua ta. Sie ta Izarei cha pahnie ta, thiahrâ khihpi chhao la ta.

RYUREITUHPAZY 3:27

A tlô nahta, Epharai tlâh râh liata chiahmie tô ta, Izarei sawzy cha a hnohta tlâh râh tawhta zu ei ta, Ehu ta âmo cha chhihtha ta.

RYUREITUHPAZY 4:10

Bâraka ta Zebulawna nata Nâthalai chizy Kedesâ liata awpakhy ta. Chyhsa 10,000 ta zi ei ta, Debawrâ chhao a hnohta sie hra ta.

RYUREITUHPAZY 4:14

Debawrâ ta Bâraka hnohta, “Thyu teh! Tanoh he Abeipa ta na ku liata Siserâ a cha piena noh a châ hih. Na hmia lâta Abeipa a sie haw,” tah ta. Chatanachata Bâraka cha Tabaw Tlâh tawhta zu ta, chyhsa 10,000 ta zi ei ta.

RYUREITUHPAZY 5:13

“Laibâhpazy ta thatlôpazy siehnao ei ta, Abeipa phopi ta pasaiphazy ama pahnie.