RYUREITUHPAZY 4:5 - Mara Bible RV (BSI)

⁵ Debawrâ cha Epharai tlâh râh liata Râmâ nata Bethel likawh ta thiahrâ kô ry liata a tyuh tyh ta. Izarei sawzy ta ama bie pachiapa awpa ta ano lâ ama pangai tyh.

RYUREITUHPAZY 4:5 ပူးပေါင်းရင်းမြစ်များ

ÂTHAONA 35:8

Chatawhcha Rebekâ mohôhtuhpa Debawrâ cha thi ta, Bethel mathi liata ôkâ tho ry liata pabu ei ta, chavâta a moh Alawbakhuh bipa a châ.

PUASAINA 18:13

A mylâ ta Mawsi cha zawpi biepeipazy pachia awpa ta a tyuh ta, zawpizy cha my tawhta zâlâ taihta Mawsi chadôpa ta a duah ei ta.

PUASAINA 18:16

Biepeipa ama hnei tita, kei lâ a vykhei ei ta, kei ta ama likah bie cha pachiapa ei na ta, Khazohpa bieraopa nata a ryhpazy ei pahnosa tyh ei,” tah ta.

PUASAINA 18:19

Ei bie nathlie mah y, ryh ei cha raokhei aw. Na hnohta Khazohpa y mawh sy! Zawpi vyuhpa ta Khazohpa hmiakô liata nâ a duah aw chi ta, biepeipazy cha Khazohpa lâ na tlôkhei tyh aw.

PUASAINA 18:26

Âmo chata zawpi cha pachia ei ta, bie rupa maih Mawsi lâ tlôkhei ei ta, bie chynawhpa deikua cha, âmo ta ama pachia lymâ.

ZEREMIAH 31:15

Abeipa ta hetana heta a tah: “Râmâ liata pyu theipa châ ta, Chaphôhtuna nata vâsâhpa ta chana ao theipa a châ. Râkheli ta a sawzy chakhei ta, A sawzy ama y khao leipa vâta, A thlah palôh thei awpa châ vei.”

ZAWSUA 16:2

Luzi ama tahpa Bethel tawhta Arakhi râh Atarô chapiapa ta sie lymâ ta,

ZAWSUA 18:22

Betharâbâ, Zemarai, Bethel,

ZAWSUA 18:25

Kibiô, Ramâ, Berô,

RYUREITUHPAZY 4:4

Cha daihti liata Izarei ryureituhpa cha Lapidô lapinô hrohsonô Debawrâ a châ.

1 SAMUELA 1:1

Epharai tlâh râh Râmâthaizôphi khih liata chyhsa pakha a moh Elkânâ ama tahpa y ta. Cha chyhsa cha Zerôhâ sawchapawpa châ ta, Zerôhâ cha Elihu sawchapawpa châ ta, Elihu cha Tôhu sawchapawpa châ ta, Tôhu cha Epharai chi Zupha sawchapawpa a châ.

1 SAMUELA 1:19

Mydi kari ta thyu ei ta, Abeipa amâ chhy khai nahta, Râmâ liata ama o lâ a lie ei ta. Elkânâ ta a lapinô Hânâ cha a zialâh ta. Abeipa ta Hânâ cha a thei thlâh ha ta.

1 SAMUELA 22:6

Sawla ta Dâvi nata a hnohta a ypazy yna cha ama pahno haw tahpa thei ta. Sawla cha a asei chabapa ta Kibia khih tamâri tho ry liata a tyuh ta. A chakaotuhpa zydua a kiapâh liata a duah ei ta.

1 SAMUELA 25:1

Samuela cha thi ta. Izarei zydua a hmaohpakhy ei ta, ano châta mâchhiesa ei ta, Râmâ liata a ohmo liata ama pabu haw. Dâvi cha thyu ta, Pârâ râhchawhpa lâ zu ta.

1 SAMUELA 7:17

Cha khihpizy tawhna chata a o yna Râmâ khihpi lâ a lie heih tyh ta, Râmâ liana chhao chata Izarei chô liata ryureituhpa ta y ta. Abeipa maisâh chhao Râmâ khihpi liata a padua.