RYUREITUHPAZY 4:11 - Mara Bible RV (BSI)

¹¹ Keni chyhsa Hebe cha a chiheih Keni mo hry tawhta a panano ta, âmo tawhta â hla kawpa ta Kedesâ kiapâh ta Zanâni liata ôkâ tho thih liata poh o rai ta. Keni mo he Mawsi puhpa Hôbâ pathlazy ama châ.

RYUREITUHPAZY 4:11 ပူးပေါင်းရင်းမြစ်များ

PUASAINA 18:1

Khazohpa ta a phopi Izarei sawzy nata Mawsi chô liata a hmotaopa zydua nata Abeipa ta Izarei sawzy Izi râh tawhta â kaw chhi papuazie zy cha, Midia theihthaipa, Mawsi puhpa Zetharô ta vaw thei ta.

PUASAINA 2:18

Ama paw Rue lâ amâ vaw di nahta, ama paw ta, “Kheihtazieta tanoh cha nama vaw tlô patoh kaw dia?” tah ta.

PUASAINA 3:1

Mawsi cha a puhpa Zetharô, Midia râh theihthaipa mietaku zaw vaih ta, mietaku zaw cha râhchawhpa notla lâ chhâ ta haoh laih ta, Khazohpa tlâh Hôribâ kei tlô ta.

MALUHREINA 10:29

Mawsi puhpa Midia chyhsa Rue sawchapawpa Hôbâ hnohta Mawsi ta, “Abeipa ta, ‘Ei cha pie aw ei,’ a tahpa su lâ eima pangai hai. Abeipa ta Izarei sawzy châta hmo phapa bie a taih ha ta, chavâta eima hnohta vaw sie hra teh, a pha ngaitapa ta na chô liata eima tao aw,” tah ta.

MALUHREINA 10:32

Eima hnohta na sie hra khiahta cha, Abeipa ta eima chô liata hmopha a taopa hawhta na chô liata eima tao hra aw,” tah ta.

MALUHREINA 24:21

Keni mo lâ a heih ta, a bie daopa thaoh ta, “Na pahrâna su a i ta, Lôpanô liata bu na tu.

ZAWSUA 19:33

Ama râhri cha Helepha nata Zanâni thokô laipa tawhta a thao ta, Adamineke nata Zabane zy chahryh laih ta, Zawdâh chavah liata a chhâ.

ZAWSUA 19:37

Kedesâ, Edarei, Enhâzaw,

RYUREITUHPAZY 1:16

Mawsi puhpa Keni pathlazy cha Zudâh pathlazy chhaota thiahrâ khihpi tawhta pua ei ta, Aradâ kiapâh ta a ypa Neke liata Zudâh râhchawhpa lâ khy ei ta, cha liata a ypa phopi hry liata pahrâ ei ta.

RYUREITUHPAZY 4:12

Abinôâ sawchapawpa Bâraka Tabaw Tlâh lâ a khy haw tahpa Siserâ chho ei ta.

RYUREITUHPAZY 4:6

Debawrâ ta Kedesâ Nâthalai râh liata Abinôâ sawchapawpa Bâraka kei paawsa ta, a hnohta, “Zehôvâh, Izarei Khazohpa ta hetana heta a tah, ‘Sie la, Tabaw tlâh lâ pangai la, Nâthalai nata Zebulawna chizy tawhta pheisaih 10,000 a chhi teh.

1 SAMUELA 15:6

Sawla ta Keni mo hnohta, “Sie u la, Amale mo kha puasai teh u. Chataleipatala ei cha thie pâ pathlei aw ei na. Nâmo la Izarei sawzy Izi râh tawhta ama kaw pua nota, ama zydua chô liata phana a palâsatuhpa châ tlôh ei chi ta,” tah ta. Chatanachata Keni mo cha Amale mo hry tawhta pua ei ta.

1 SAMUELA 27:10

Akisâ ta a hnohta, “Tanoh khataih lâ hrâ na sie?” tahpa ta a hiahri tita, Dâvi ta, “Zudâh chho lâ, Zerami chho lâ, Keni chho lâ,” tahpa zy ta a chhy tyh ta.