RYUREITUHPAZY 3:31 - Mara Bible RV (BSI)

³¹ Ehu khai tawhta Anathâ sawchapawpa Sâkâ cha ryureituhpa vaw châ ta. Ano cha viahchao tona chôchahrei ta Philistinâ mo 600 a thiepa a châ. Ano chhao cha Izarei pachhatuhpa a châ hra.

RYUREITUHPAZY 3:31 ပူးပေါင်းရင်းမြစ်များ

1 KAWRINI 1:17

Krista ta bâti pachâsa awpa ta na tuah leipa ta, thâtihpha chho awpa ta tlao eina tuah. Chyhsapa sona bie ta chho va na, chataleipatala Krista kraws hmotaotheina cha hraoleipa ama pachâsa pathlei aw na.

RYUREITUHPAZY 10:11

Abeipa ta Izarei sawzy hnohta, “Izi mo, Amawri mo, Amawna mo nata Philistinâ mozy tawhta cha pachha ha veih ei na ma?

RYUREITUHPAZY 10:17

Amawna mo cha a awpakhy ei ta, Kilia liata riehmo paryh ei ta. Izarei sawzy chhao a awpakhy hra ei ta, Mizpâ liata riehmo paryh ei ta.

RYUREITUHPAZY 10:7

Chavâta Abeipa cha Izarei chô liata a hiehâh ngaita ta, Philistinâ mo ku lâta nata Amawna mo ku lâta Izarei sawzy cha zuah ha ta.

RYUREITUHPAZY 15:15

Alâ kâh ru thiehpa hmô ta, kei la ta, cha chata chyhsa 1,000 tusao ta.

RYUREITUHPAZY 2:16

Chatawhcha Abeipa ta ryureituhpazy padua ta. Ryureituhpazy chata Izarei sawzy cha âmo a hraotuhpazy ku tawhta ama pachha lymâ.

RYUREITUHPAZY 3:30

Cha noh liata Môabâ cha Izarei ku ta pahniepa ta y ta. Chatanachata râh cha kô sycharie chhôh thlalôhpa ta y ta.

RYUREITUHPAZY 4:1

Ehu a thi tawhta Izarei sawzy cha Abeipa mohmô ta moleina hmo tao heih ei ta.

RYUREITUHPAZY 5:6

“Anathâ sawchapawpa Sâkâ hro chhôh ta, Zaeli hro chhôh ta cha, Lâlaizy hnypa châ ta, Khitlyhpazy lâdy amâ chhih tyh.

RYUREITUHPAZY 5:8

Khazoh thiehpazy amâ la nahta, Thokhy chhikaozy liata adyuhna a vaw y tyh. Vyhphao tlyma, asei tlyma, Izarei thy palih hry liata hmô awpa a y ma?

1 SAMUELA 12:9

Châhrasala Abeipa ama Khazohpa cha my ha ei ta. Chavâta Abeipa ta âmo cha Hâzaw pheisaih hyutuhpa Siserâ ku liata nata Philistinâ mo ku liata nata Môabâ bei ku liata zuah ha ta. Âmo chata Izarei sawzy cha a vaw dyuh ei ta.

1 SAMUELA 17:47

He liata ahmaohpakhypa zydua chhao heta, Abeipa ta zaozi nata asei ta pachha vei tahpa ama pahno aw. Adyuhna he Abeipa eih châ ta, Abeipa ta nâmo he eima ku liata miah a pie aw,” tah ta.

1 SAMUELA 17:50

Cha hawhna chata Dâvi ta Philistinâ chyhsa cha savo cheisiah nata alô ta a pahnie haw. Philistinâ chyhsa cha alô ta siah ta, a thie haw. Dâvi cha Zaozi rai a chaba vei.

1 SAMUELA 4:1

Samuela bie cha Izarei râh zydua liata pathâh ta. Izarei sawzy cha Philistinâ mo a dyuh awpa ta pua ei ta. Ebeneza liata riehmo paryh ei ta. Philistinâ mo chhao Aphe liata riehmo paryh hra ei ta.