RYUREITUHPAZY 3:28 - Mara Bible RV (BSI)

²⁸ Ama hnohta, “Na zi teh u, Abeipa ta nama chariahpa Môabâ mo he nama ku liata a cha pie ha ei,” tah ta. Chatanachata Ehu cha pazipa ta zu ei ta, Môabâ râh daih lâta Zawdâh chaka theina su cha la ei ta, ahy hmah chakasa veih ei.

RYUREITUHPAZY 3:28 ပူးပေါင်းရင်းမြစ်များ

1 ABEIZY 20:21

Izarei bei cha kei pua ta, arâ nata talailihzy cha chhawh ta, Aramia mo cha thata thie ta.

ZAWSUA 2:7

Zerikô bei chyhsazy ta Zawdâh chakana su taihta mohparutuhpazy cha a chadai ei ta. Chadaituhpazy ama puapata nahta, thokhy chhikao khaw ha ei ta.

RYUREITUHPAZY 10:11

Abeipa ta Izarei sawzy hnohta, “Izi mo, Amawri mo, Amawna mo nata Philistinâ mozy tawhta cha pachha ha veih ei na ma?

RYUREITUHPAZY 12:5

Kilia mo ta Epharai mo lâ siena Zawdâh chakana suzy cha khâchâ vaih ha ei ta. Epharai chyhsa a vaw râpa ta, “Haosâ lâ na chakasa teh,” a tah tita, Kilia mo ta a hnohta, “Epharai chyhsa na châ ma?” tah ei ta. Ano ta, “Châ va na,” a tah khiahta cha,

RYUREITUHPAZY 3:29

Cha daihti liata Môabâ mo 10,000 rachhôh, chyhsa thatlôpa nata riahphapazy thie ei ta, pakha hmah a râpa y veih ei.

RYUREITUHPAZY 4:10

Bâraka ta Zebulawna nata Nâthalai chizy Kedesâ liata awpakhy ta. Chyhsa 10,000 ta zi ei ta, Debawrâ chhao a hnohta sie hra ta.

RYUREITUHPAZY 7:14

A viasapa ta a chhy ta, “Cha cha hmo hropa châ vei. Izarei chyhsa Zôasâ sawchapawpa Kidia zaozi a châ chuh. Khazohpa ta Midia mo nata riehmo zydua he a ku liata a pie ha chuh,” tah ta.

RYUREITUHPAZY 7:15

Kidia ta mâ nata a chhopasiana cha a thei nahta, Khazohpa a chhy ta. Izarei riehmo lâ a lie ta, “Thyu teh u, Abeipa ta Midia pheisaihzy cha nama ku liata a cha pie ha ei,” tah ta.

RYUREITUHPAZY 7:17

Ama hnohta, “Na moh u la, ei taopa hawhta tao lymâ hra muh vy. Riehmo tytua chaipa ei tlô nahta, ei taopa hawhta tao hra muh vy.

RYUREITUHPAZY 7:24

Kidia ta Epharai tlâh râh zydua lâ zikyu parâsa ta, ama hnohta, “Midia mo a zâ dyuh u la, Bebârâ taihta ti yna zydua la u la, Zawdâh chavah chhao la teh u,” tah ta. Chatanachata Epharai pathla zydua cha a hmaohpakhy ei ta, Bebârâ taihta ti yna zydua la ei ta, Zawdâh chavah chhao la ei ta.

RYUREITUHPAZY 7:9

Cha zâ ta Abeipa ta Kidia hnohta,“Thyu la, Midia mo riehmo za chho teh. Na ku liata ei cha pie haw.

1 SAMUELA 17:47

He liata ahmaohpakhypa zydua chhao heta, Abeipa ta zaozi nata asei ta pachha vei tahpa ama pahno aw. Adyuhna he Abeipa eih châ ta, Abeipa ta nâmo he eima ku liata miah a pie aw,” tah ta.