RYUREITUHPAZY 3:27 - Mara Bible RV (BSI)

²⁷ A tlô nahta, Epharai tlâh râh liata chiahmie tô ta, Izarei sawzy cha a hnohta tlâh râh tawhta zu ei ta, Ehu ta âmo cha chhihtha ta.

RYUREITUHPAZY 3:27 ပူးပေါင်းရင်းမြစ်များ

2 SAMUELA 20:22

Chanô cha a sona hmâpa ta zawpi zydua pahnie awpa ta sie ta. Bikhari sawchapawpa Sebâ luh cha tai ei ta, Zôabâ lâ vaw thy ei ta. Zôabâ ta chiahmie tô ta, pheisaihzy cha khihpi tawhta pai ei ta, ama poh o chyu lâta a di ha ei ta. Zôabâ chhao cha Zerusale liata abei lâ a lie ha heih ta.

2 ABEIZY 9:13

Chatawhcha chyhsa to ama chysia thlai pahluh ei ta, a phei tly nawpa kahmi liata phaw ei ta, chiahmie tô ei ta, “Zehu cha bei a châ,” tahpa ta awh ei ta.

NEHEMIAH 4:14

Chatawhcha mohmia pasaih na ta, thyu na ta, nôpawpazy nata ryureituhpazy nata zawpizy hnohta, “Âmo cha chi khuh vy. Abeipa rônahpa nata chichhihpa a thei u la, nama unawhzy, nama sawchapawzy, nama sawchanôzy, nama lapinôzy, nama ozy châta a dyuh muh vy,” tah na ta.

ZAWSUA 17:15

Zawsua ta ama hnohta, “Cha hawhta maluh hluh ngaitapa chipho châ u la, Epharai tlâh râh cha nama châta a buah tu khiahta cha, nâmo tlai ta Perizi mo nata Rephai mo râh lâ khy u la, ama râhmâhpazy khi nama y nawpa ta kaw pathai muh vy,” tah ta.

ZAWSUA 17:18

Tlâh râh khi nâmo eih a châ aw. Râhmâhpa châ hra sala, pathai aw ei chi ta, a râh zydua nama eih a châ aw. Kâna mo cha thua talailihzy hneipa ta ama thatlô kaw hra sala nama papua thei aw,” tah ta.

RYUREITUHPAZY 10:1

Abimele a thi tawhta, Izarei pachha awpa ta Iskâra chyhsa Dôdô sawchapawpa Puah saw­chapawpa Tôlâ vaw pua ta. Ano cha Epharai tlâh râh Sâmi khih liata a pahrâpa a châ.

RYUREITUHPAZY 17:1

Epharai tlâh râh liata chyhsa pakha y ta, a moh cha Mikâ a châ.

RYUREITUHPAZY 19:1

Cha daihtizy liata, Izarei liata bei ama y lei nota, Livai chi pakha cha Epharai tlâh râh chhâna lâ liata pahrâ ta, Zudâh râh Bethlehe zuah cha nôtho ta hnei ta.

RYUREITUHPAZY 3:26

Abei ama hâ chhôh ta Ehu cha a râ syulyu ha ta. Alô nothlahpa khazohzy yna khô ta, Seirâ lâ a râ ta.

RYUREITUHPAZY 5:14

“Amale liata thari a thlapa Epharai mo a zu ei ta, Hy Benzami, na chiheihzy ta ama cha pazi; Mâkhi tawhta ryureituhpazy a zu ei ta, Zebulawna tawhta pheisaih hyutuhpa chôchahrei a chabapazy amâ zu.

RYUREITUHPAZY 6:34

Abeipa thlahpa cha Kidia chô liata vaw tlô ta. Chiahmie tô ta, Abieze pathlazy cha ano zi awpa ta awpapua ta.

RYUREITUHPAZY 7:24

Kidia ta Epharai tlâh râh zydua lâ zikyu parâsa ta, ama hnohta, “Midia mo a zâ dyuh u la, Bebârâ taihta ti yna zydua la u la, Zawdâh chavah chhao la teh u,” tah ta. Chatanachata Epharai pathla zydua cha a hmaohpakhy ei ta, Bebârâ taihta ti yna zydua la ei ta, Zawdâh chavah chhao la ei ta.

1 SAMUELA 13:3

Zawnathâ ta Kebâ liata Philistinâ pheisaih su a dyuh ta pahnie ta, cha cha Philistinâ mo ta vaw thei ei ta. Cha kyh liata Sawla ta, “Hebrai mo ta thei mawh ei sy,” tahpa ta râh zydua liata chiahmie patôsa ta.