RYUREITUHPAZY 21:5 - Mara Bible RV (BSI)

⁵ Chatawhcha Izarei sawzy ta, “Kheihawhpa Izarei chi ma Abeipa lâta pakhypi liata a hlao hra vei,” tah ei ta. Mizpâ liata Abeipa lâta pakhypi a hlao hra leipa kyh liata, “Thie thlyu awpa a châ,” tahpa ta bietai rônahpa ama vaw tao hapa kha châ ta.

RYUREITUHPAZY 21:5 ပူးပေါင်းရင်းမြစ်များ

ZEREMIAH 48:10

“Diathlâpa ta Abeipa rai a hriapa cha chhiesapa ta y sala, thisaih palo awpa ta a zaozi a hmâh khoh leipa chhao chhiesapa ta y mawh sy.

RYUREITUHPAZY 21:1

Izarei pheisaihzy cha Mizpâ liata bie a taih ei ta, “Eima hry liata ahy hmahta eima sawchanô Benzami lapinô ta eima pie awpa châ vei,” tah ei ta.

RYUREITUHPAZY 21:18

Eima sawchanôzy hra lapinô ta pie thei tlôh pi vâ,” tah ei ta. Izarei sawzy ta, “Benzami hnohta lapinô a piepa cha chhiesapa ta y mawh sy,” tahpa ta bie amâ vaw taih hapa châ ta.

RYUREITUHPAZY 21:6

Izarei sawzy ta ama unawhpa Benzami cha ngiachhie kaw ei ta, “Tanoh he Izarei tawhta chi kha chhawh pathlahpa châ ha ta.

RYUREITUHPAZY 5:23

“Merô cha chhiesapa teh u,” Abeipa vâlyuhchâpa ta a tah; Abeipa bao awpa ta a vy leipa ei ta, Thatlôpazy adyuhna liata Abeipa bao awpa ta amâ vy leipa vâta, A khihsawzy cha thata chhiesapa teh u.

1 SAMUELA 11:7

Viahchao bao kha thie ta, a vyuh vyuh ta pachhaih ta, Izarei râh zydua liata rai awpa ta, lyuhchâpazy ku liata pie ta, ama hnohta, “Ahy rai vaw pua leipa ta Sawla nata Samuela a zi khoh leipa maih cha, ano viahchao chhao, he hawhta taopa a châ aw,” tah ta. Abeipa china ta Izarei phopi cha tla thlu ta, reih kha tlapa ta vaw pua ha ei ta.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.