RYUREITUHPAZY 21:21 - Mara Bible RV (BSI)

²¹ Moh aw ei chi ta, Silô laihsazy ta lânazy liata lâ awpa ta ama vaw puapa nama hmô khiahta cha, kre zôhzy hry tawhta vaw pua aw ei chi ta, Silô laihsazy cha nama lapinô châta patu chyu aw ei chi ta, Benzami râh lâ nama siekhei aw.

RYUREITUHPAZY 21:21 ပူးပေါင်းရင်းမြစ်များ

2 SAMUELA 6:14

Dâvi cha pala rih dipa ephaw a kypa ta, a thatlôna zydua papua khaipa ta Abeipa hmiakô liata lâh ta.

2 SAMUELA 6:21

Dâvi ta Mikâli hnohta, “Na paw chô lâta nata a chhôhkha zydua chô lâta nâ tlyhtuhpa Abeipa hmiakô liata lâh na ta, Abeipa phopi Izarei chô liata bei ta nâ raotuhpa hmiakô liata ei lâpa a châ. Abeipa hmiakô liata la ei lâh lymâ aw.

HLAZY 149:3

Lâpa ta a moh reithai ei sala, Khoh nata totâ chhaota ano reithaipa ta sa mawh ei sy!

HLAZY 150:4

Khoh nata lâpa ta ano cha reithai u la, Pyungiapa ri chhaopa nata ramo ta ano cha reithai teh u!

PUASAINA 15:20

Chatawhcha hrohsonô Miria, Arawna sietanô cha khohtaw chaba ta, chanô zydua ta khohtaw nata lâna chôta ano cha pazi ei ta.

BIECHHOTUHPA 3:4

Cha daihti y ta, pahnei daihti a y; Mâchhiesa daihti y ta, lâ daihti a y;

HLAZY HLA 6:13

Hy Sulâ zuahnô, Vaw kua teh, vaw kua teh; Eima mo eima cha tawpâna hâh ta, Vaw kua la, vaw kua ha mah y. Khazia Mahânai lâ mopa hawhta, Sulâ zuahnô cha nama mo nama tawpâ thlâh ha aw tly?

ZEREMIAH 31:13

Chatawhcha laihsa kôpazy a lypa ta lâh aw ei ta, Satliapazy nata machâpazy thaphapa ta ama y aw; Ama mâchhiesana cha, Alyna pachâsa aw na ta; Thlapalôh aw ei na ta, Pachârôhna vyuhpa ta thaphana ei pie aw ei.

MATHAI 10:17

Chyhsazy tawhta a vaih teh u. Ryureina lâ cha hlâ aw ei ta, pakhyna ozy liata ama cha tu aw.

LUKA 17:25

Châhrasala pasa hluhpi tao tua aw ta, he chhâ chyhsazy ta dythapa ta a y tua aw.

RYUREITUHPAZY 11:34

Zephathâ cha Mizpâ liata a o lâ a lie ta. Moh teh u, a sawchanô vaw pua ta, paotlâzy nata lâpa ta a paw cha vaw dy ta. Ano he a saw matlupa châ ta, ano leipa ta sawchapaw nata sawchanô hropa rai hnei vei.

RYUREITUHPAZY 21:20

Benzami sawzy cha biepie ei ta, ama hnohta, “Sie u la, kre zôhzy hry liata arulâta a kei byh teh u.

1 SAMUELA 18:6

Adyuhna tawhta a vaw lie ei ta, Dâvi chhao Philistinâ chyhsa a thie khai tawhta vaw tlô hra ta, Izarei khihpi zydua tawhta chanôzy vaw pua ei ta, hla sapa nata lâna chôta, khohzy, alyna hlazy nata pyungiapa chhaichhizy chhaota bei Sawla cha vaw dy ei ta.