RYUREITUHPAZY 20:9 - Mara Bible RV (BSI)

⁹ He hmo he Kibia chô liata eima tao aw: nuby a dao aw pi ta, eima khyhnao aw.

RYUREITUHPAZY 20:9 ပူးပေါင်းရင်းမြစ်များ

1 THÂTIHZYRONA 24:5

Eliaza pathlazy nata Ithamâ pathlazy liata hyutuhpazy cha, hyutuhpa pathaihpa nata Khazohpa hyutuhpazy ama châ khaipa vâta, ama chakaona rai hria awpazy cha, nuby a daopa ta, â lyupa ta pachhaihpa a châ.

NEHEMIAH 11:1

Izarei phopi chhituhpazy cha Zerusale liata pahrâ ei ta. Ahropazy deikua cha, nuby a dao ei ta, pahrawh liata pakha khihpi pathaihpa Zerusale liata pahrâ ei ta, pahrawh liata pachaki cha khih hropazy liata pahrâsapa ama châ.

BIESOZY 16:33

Nuby cha byhpi chô liata a daopa châ ta, Biechhâna deikua cha Abeipa tawhta a châ tyh.

ZAWNA 1:7

Balyh puhpazy a chhohia ei ta, “A vy teh u, he hmo pha leipa eima chô liata a tlôpa he ahy vâta ma tahpa eima pahno thei nawpa ta nuby a dao ei suh u,” tah ei ta. Nuby a dao ei ta, Zawna chô liata tlu ta.

HMOTAOPAZY 1:26

Chatawhcha nuby a dao ei ta, nuby cha Mâthia chô liata tlu ta. Chatanachata ano cha lyuhchâpa pahrawh hleikhazy hry liata pahlaopa a châ.

ZAWSUA 14:2

Abeipa ta Mawsi hmâpa ta bie a piepa hawhta, chi chaki nata khophie to awpa râhzy cha nuby a daopa ta raipa a châ.

RYUREITUHPAZY 20:10

Pheisaihzy niedo a hlâ awpa ta, Izarei chi zydua hry tawhta chyhsa za kha liata pahrawh, sâh kha liata za kha, thy kha liata sâh kha lymâ ta eima la aw. Chatanachata pheisaihzy ta Benzami chi Kibia khihpi cha siehnao aw ei ta, Izarei liata hmo pasichhih ngaitapa ama taopa cha viari ama vaw thô aw,” tah ei ta.

RYUREITUHPAZY 20:8

Zawpi zydua cha reih kha tlapa ta thyu ei ta, “Ahy hmahta eima poh o lâ a di leipa aw pi ta, ahy hmahta eima o lâ a lie aw ma pi.