RYUREITUHPAZY 20:31 - Mara Bible RV (BSI)

³¹ Benzami sawzy chhao ta Izarei phopi a dyuh awpa ta pua heih ei ta. Ama chariahpa cha khihpi tawhta lâhla pi taihta a chadai ei ta. Noh hro hawhna khata, Izarei pheisaihzy cha lyu liata nata Bethel lâ khyna nata Kibia lâ siena lâlaizy liata a dyuhpa ta thie pathao ei ta, Izarei pheisaih sythôh rachhôh cha ama thie hmâ haw.

RYUREITUHPAZY 20:31 ပူးပေါင်းရင်းမြစ်များ

ISAI 10:29

Lytlâh khôna su liata khô ei ta, Kebâ khih liata amâ rie. Râmâ khihsawzy a chalyu ei ta, Sawla Kibia mo amâ râpai haw.

ZAWSUA 7:5

Ai chyhsazy ta Izarei chyhsa sythôh nata pacharu thie ei ta, thokhy chhikao tawhta Sebari taihta a chadai ei ta. Chhutla ama chô nota thie ei ta, zawpizy palôh ti hawhta a zao khai haw.

ZAWSUA 8:17

Ai nata Bethel khihpizy liata Izarei sawzy achadaina lâ a pua leipa chapaw pakha hmah y veih ei. Khihpi khaw leipa ta puasaipa ta Izarei sawzy cha a chadai ei ta.

RYUREITUHPAZY 20:30

Izarei sawzy cha Benzami sawzy a dyuh awpa ta a noh thôhna noh ta a thao heih ei ta, noh hro hawhna khata Kibia a dyuh awpa ta a pachyh heih ei ta.

RYUREITUHPAZY 20:32

Benzami sawzy ta, “Hmialâ hawhna khata eima hmiakô liata ama nawh haw,” tah ei ta. Châhrasala Izarei sawzy ta, “A râ sih la, miah a vaw chadai ei sala, khihpi tawhta lâlaizy lâ papuasa ha ei suh u,” ama tahpa vâta a châ.