RYUREITUHPAZY 20:26 - Mara Bible RV (BSI)

²⁶ Chatawhcha Izarei pheisaih zydua cha Bethel lâ khy ei ta, cha ei ta. Cha liata Abeipa hmiakô ta a tyuh ei ta, cha noh liana cha zâlâ taihta kâhvileipa ta ypa ta, raopa hlâna nata aryhna hlânazy Abeipa lâ hlâ ei ta.

RYUREITUHPAZY 20:26 ပူးပေါင်းရင်းမြစ်များ

ÂTHAONA 28:19

a su moh Bethel a bi. Cha khih moh cha Luzi vaw tah tuapa a châ.

2 SAMUELA 3:35

Zawpi zydua Dâvi lâ a vy ei ta, noh tla hlâlei pati paniesa a chhuah ei ta. Châhrasala Dâvi ta, “Noh tla hlâta viahchhâ tlyma, hmo hropa khâpa tlyma rai ei nie khiahta cha, Khazohpa ta a kho ta ei chô liata tao sala, cha hlâta pasa viapa chhao ta tao mawh sy,” tahpa ta bie a taih ta.

2 THÂTIHZYRONA 20:3

Zehôsaphâ cha chi ngaita ta, Abeipa tluana lâta a hmia pahei ta, Zudâh râh zydua kâhvileipa ta y awpa ta phuah ta.

EZRÂ 8:21

Chatawhcha keimo nata eima sawzy nata eima hmohneipazy lâpi liata â bohpa ta eima sie thei nawpa ta hiah awpa ta, eima Khazohpa hmiakô liata a panawhpa ta, kâhvileipa ta thlahchhâ awpa ta, Ahavâ chavah liata phuah na ta.

ZEREMIAH 36:9

Zôsia sawchapawzy Zudâh bei Zehôki abeina kô pangawhna, thla chakina liata, Zerusale khihsaw zydua nata Zudâh khihpizy tawhta Zerusale lâ â vypa chyhsa zydua ta Abeipa hmiakô liata kâhvileipa ta y awpa phuah ei ta.

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

ZAWSUA 24:1

Zawsua ta Izarei chi zydua cha Sekhe liata pahmaoh ta, Izarei machâzy, chhituhpazy, ryureituhpazy nata hyutuhpazy awpakhy ta. Khazohpa hmiakô liata a luah chyu ei ta.

ZAWSUA 7:6

Zawsua cha a chysiazy hrie ta, ano nata Izarei machâzy cha, Abeipa Byh hmiakô liata zâlâ taih â khu lâta alei liata pao ei ta, ama luh liata buchâh mia ei ta.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:23

Izarei sawzy cha khy ei ta, Abeipa hmiakô liata zâlâ taihta cha ei ta, “Eima unawhpa Benzami sawzy a dyuh awpa ta eimâ thao heih aw ma?” tahpa ta Abeipa a saohiah ei ta. Abeipa ta, “A kaw dyuh heih teh u,” tah ta.

RYUREITUHPAZY 20:25

A noh nona liata, Benzami chhao ta Izarei sawzy a dyuh awpa ta Kibia tawhta pua heih ta, Izarei saw chyhsa 18,000 thie ei ta, alei liata ama papao haw. Cha zydua cha zaozi a chabapa pheisaih sai ama châ.

RYUREITUHPAZY 21:2

Izarei phopi cha Bethel lâ sie ei ta, cha liata zâlâ taih Khazohpa hmiakô liata a tyuh ei ta, a paropa ta palôh pasa ngaitapa ta cha ei ta.

RYUREITUHPAZY 21:4

A mylâ ta Izarei phopi cha mydi ta thyu ei ta, cha liata maisâh tao ei ta, raopa hlânazy nata aryhna hlânazy hlâ ei ta.

1 SAMUELA 11:4

Lyuhchâpazy cha Sawla yna Kibia khih ama tlô nahta, bie ama phaopazy cha zawpi nah theina liata reih ei ta, zawpi zydua cha aoh tlili ta cha ei ta.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.