RYUREITUHPAZY 20:23 - Mara Bible RV (BSI)

²³ Izarei sawzy cha khy ei ta, Abeipa hmiakô liata zâlâ taihta cha ei ta, “Eima unawhpa Benzami sawzy a dyuh awpa ta eimâ thao heih aw ma?” tahpa ta Abeipa a saohiah ei ta. Abeipa ta, “A kaw dyuh heih teh u,” tah ta.

RYUREITUHPAZY 20:23 ပူးပေါင်းရင်းမြစ်များ

2 SAMUELA 3:35

Zawpi zydua Dâvi lâ a vy ei ta, noh tla hlâlei pati paniesa a chhuah ei ta. Châhrasala Dâvi ta, “Noh tla hlâta viahchhâ tlyma, hmo hropa khâpa tlyma rai ei nie khiahta cha, Khazohpa ta a kho ta ei chô liata tao sala, cha hlâta pasa viapa chhao ta tao mawh sy,” tahpa ta bie a taih ta.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

ZAWSUA 7:6

Zawsua cha a chysiazy hrie ta, ano nata Izarei machâzy cha, Abeipa Byh hmiakô liata zâlâ taih â khu lâta alei liata pao ei ta, ama luh liata buchâh mia ei ta.

ZAWSUA 7:7

Zawsua ta, “Hy Abeipa Zehôvâh, Amawri mo ku liata miah hlâ ta thie awpa ta ma, he phopi he Zawdâh miah na vaw chakakhei? Zawdâh haosâ liata pahrâ awpa ta palôh a vaw patlâh thlâh ha sih la a pha via awpa tlai.

RYUREITUHPAZY 1:1

Zawsua a thi tawhta Izarei sawzy ta, “Kâna mo siehnao awpa ta ahy eima châta sie tua chai aw ta, âmo cha a kaw dyuh aw?” tahpa ta Abeipa hiahri ei ta.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:22

Izarei pheisaih zawpizy cha a pachyu heih ei ta, amâ dyuh tua nota amâ duana su liata a duahpa ta a dyuh awpa ta a pachyh heih ei ta.

RYUREITUHPAZY 20:24

Chatanachata a noh nona liata, Izarei sawzy cha Benzami sawzy a dyuh awpa ta a thao heih ei ta.

RYUREITUHPAZY 21:2

Izarei phopi cha Bethel lâ sie ei ta, cha liata zâlâ taih Khazohpa hmiakô liata a tyuh ei ta, a paropa ta palôh pasa ngaitapa ta cha ei ta.

1 SAMUELA 10:3

Cha tawhna chata sie lymâ aw chi ta, Tabaw liata ôkâ thokô tlôna taihta na sie aw. Cha liata chyhsa pathôh, Bethel liata Khazohpa lâ a khypazy ta ama châ tyh aw. Pakha ta mietaw pô thôh phaoh aw ta, pakha ta viahchhâ tlâ thôh phaoh aw ta, pakha ta kresawhti ôh kha a phaoh aw.

1 SAMUELA 11:4

Lyuhchâpazy cha Sawla yna Kibia khih ama tlô nahta, bie ama phaopazy cha zawpi nah theina liata reih ei ta, zawpi zydua cha aoh tlili ta cha ei ta.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.