RYUREITUHPAZY 20:18 - Mara Bible RV (BSI)

¹⁸ Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:18 ပူးပေါင်းရင်းမြစ်များ

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

MALUHREINA 27:5

Mawsi ta ama bie cha Abeipa hmiakô liata tlôkhei ta.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.

ZAWSUA 9:14

Izarei sawzy ta viahchhâ cha nie pachhi ei ta, Abeipa pachâna deikua hiahri tua veih ei.

RYUREITUHPAZY 18:31

Chatanachata Mikâ taopa nothlahpa khaipa cha, Silô khih liata Khazohpa o a y chhôh zydua cha, cha liata a y lymâ.

RYUREITUHPAZY 19:18

Ano ta a hnohta, “Zudâh râh Bethlehe tawhta ei yna Epharai tlâh râh chhâna lâ a siepa eima châ. Zudâh râh Bethlehe lâ khi kei tlyh na ta, tahmâ he Abeipa o lâ sie a chhuah na ta, châhrasala o liata nâ patlôsa khohpa y veih ei.

RYUREITUHPAZY 20:17

Izarei mo cha, Benzami mo rei leipa ta, zaozi a chabapa sai ta 400,000 châ ei ta, ama zydua ta pasaiphazy ama châ.

RYUREITUHPAZY 20:19

Chatawhcha Izarei sawzy cha mydi ta thyu ei ta, Kibia chadôpa ta riehmozy paryh ei ta.

RYUREITUHPAZY 20:23

Izarei sawzy cha khy ei ta, Abeipa hmiakô liata zâlâ taihta cha ei ta, “Eima unawhpa Benzami sawzy a dyuh awpa ta eimâ thao heih aw ma?” tahpa ta Abeipa a saohiah ei ta. Abeipa ta, “A kaw dyuh heih teh u,” tah ta.

RYUREITUHPAZY 20:7

Nâmo Izarei sawzy saih u, nama zydua ta pachâ u la, nama pachâna nata ryhraona zy thyupakhy teh u,” tah ta.

1 SAMUELA 10:3

Cha tawhna chata sie lymâ aw chi ta, Tabaw liata ôkâ thokô tlôna taihta na sie aw. Cha liata chyhsa pathôh, Bethel liata Khazohpa lâ a khypazy ta ama châ tyh aw. Pakha ta mietaw pô thôh phaoh aw ta, pakha ta viahchhâ tlâ thôh phaoh aw ta, pakha ta kresawhti ôh kha a phaoh aw.