RYUREITUHPAZY 20:16 - Mara Bible RV (BSI)

¹⁶ Chazy hry liata chyhsa 700 a tlyh eihpazy y ei ta, âmo he chaveipa châ ei ta, cheisiah lô ta sâbu tiepa siah ta, a chhei leipa sai ama châ.

RYUREITUHPAZY 20:16 ပူးပေါင်းရင်းမြစ်များ

1 THÂTIHZYRONA 12:2

Libaw a chabapazy châ ei ta, chavei chachâh ta li a ka thaipa nata cheisiah lô a siah thaipazy ama châ. Âmo cha Benzami pathla, Sawla heinawhzy ama châ.

2 THÂTIHZYRONA 26:14

Uzia ta pheisaih zydua châta vyhphaozy, aseizy, thua lakhuzy, thua viahkaozy, libawzy nata cheisiah lôzy a chhuanoh ta.

RYUREITUHPAZY 20:17

Izarei mo cha, Benzami mo rei leipa ta, zaozi a chabapa sai ta 400,000 châ ei ta, ama zydua ta pasaiphazy ama châ.

RYUREITUHPAZY 3:15

Izarei sawzy ta Abeipa pado ei ta, Abeipa ta Benzami chi Kerâ sawchapawpa, chavei lâ a paohpa Ehu cha âmo pachhatuhpa ta padua ta. Môabâ bei Ekalaw lâ râhpaw pie awpa ta Izarei sawzy ta Ehu cha tuah ei ta.

1 SAMUELA 17:40

A ku ta a chôchahrei chaba ta, chavah liata alô mihpa lô pangawh a tlyh ta, mietaku vaina sahria â aopa liata khô ta, a savo cheisiah a chabapa ta, Philistinâ chyhsa cha a kei hnia ta.

1 SAMUELA 25:29

Nâma a chadai awpa nata na hrona pahlei awpa ta chyhsazy vaw thyu hra ei sala, ei zibeipa hrona cha, Abeipa na Khazohpa mohôhna ry liata, a hrohpazy hry liata pahlaopa châ aw ta, na chariahpazy hrona deikua cha, cheisiah ta siapa hawhta Abeipa ta âmo cha siah aw ta, ama leidia aw.