RYUREITUHPAZY 20:13 - Mara Bible RV (BSI)

¹³ Chavâta tahmâ Kibia liata moleipa chyhsazy cha miah vaw hlâ teh u, chatanachata âmo cha thie aw pi ta, moleina cha Izarei tawhta eima papai aw,” tah ei ta. Châhrasala Benzami mo ta ama unawhpa Izarei sawzy biereipa cha nathlie khoh leipa ei ta.

RYUREITUHPAZY 20:13 ပူးပေါင်းရင်းမြစ်များ

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

2 SAMUELA 23:6

Chyhsa leilôpa zydua deikua cha, Ahloh hawhta ku ta la theipa ama châ leipa vâta, Ahloh hawhta thypa ama châ.

1 ABEIZY 21:13

Ano dady ta chyhsa dyutlai leipa pano a vaw tyuh ei ta. Dyutlai leipa pano ta zawpi hmiakô liata Nâbô cha vaw leih ei ta, “Nâbô heta Khazohpa nata abei chô liata chhie a sa,” tah ei ta. Chatanachata khihpi khôtho lâ puakhei ei ta, alô ta vawh ei ta, thi ha ta.

2 THÂTIHZYRONA 13:7

Chyhsa dyutlaileipa nata chhorupazy a hnohta a hmaoh ei ta, Sawlawmaw sawchapawpa Rehôbaw cha a dyuh ei ta. Rehôbaw cha palôh pachyu leipa hawtipa a châ chypa vâta, âmo cha pakhâ thei leipa ta.

2 THÂTIHZYRONA 25:16

Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.

2 THÂTIHZYRONA 25:20

Châhrasala Amazia ta nathlie khoh leipa ta. Edômâ khazohzy amâ chhypa vâta, ama chariahzy ku liata pie awpa ta Khazohpa ta ryh a rao hapa a châ.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

BIECHHOTUHPA 11:10

Pachârôhna na palôh tawhta pahlei la, hmo chhiepa na pôhpa tawhta hnei ha mah y. Thyutlia daihti nata locho no chhao he hrao­leipa deita a châ.

HÔSIA 10:9

Hy Izarei, Kibia nohzy tawhna khata molei ha chi ta, Cha liata ama molei lymâ. Chavâta adoleipazy adyuhna chariah ta Âmo cha khazia Kibia liata a pahnie aw veih ei?

HÔSIA 9:9

Kibia liata ama y no hawhna khata, Avyuhna thata ama tao; Abeipa ta ama paraonazy a thei aw ta, Ama moleinazy vâta a hrie aw ei.

RAWMA 1:32

Cha hawhpa hmo a taopazy cha, a thi tlâh ama châ tahpa Khazohpa bieraopa pahno thlâh hana chôta, âmo taopa dei châ leipa ta, mohropazy taopa chhao amâ lykhei tyh.

1 KAWRINI 5:13

Khôtho lâta chyhsazy cha Khazohpa ta a pachia aw. Chyhsa moleipa cha nama hry tawhta papua ha muh vy.

2 KAWRINI 6:15

Krista nata ahripa ta khâpa aryhna ama hnei? Ngiapâtuhpa nata ngiapâleipa ta khâpa to khohpa ama hnei?

RYHPACHANEINA 13:13

nama hry tawhta moleipazy pua ei ta, nama pahno beih leipa khazoh hropazy a chhy awpa ta ama khihpi liata a pahrâpazy ama paviasa tahpa nama thei khiahta cha,

RYHPACHANEINA 13:5

Cha hawhpa hrohsopa tlyma, mâ sapa ta chhochhieliena bie a reihpa tlyma deikua cha, Izi râh tawhta châ kaw chhi papuatuhpa, sei châna o tawhta châ chatlaituhpa Abeipa nama Khazohpa adyuhna bie reih ta, Abeipa nama Khazohpa ta a chhih awpa ta bie a cha piepa ei lâpi tawhta patleisa a châ chhuahpa vâ ei ta, thie awpa a châ. Cha hawhna chata hmo pha leipa cha nama hry tawhta nama pahlei ha aw.

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

RYHPACHANEINA 17:12

Abeipa nama Khazohpa chakaotuhpa theihthaipa nata ryureituhpa bie nathlie leipa ta, a papeisa leipa chyhsa cha thie awpa a châ. Cha hawhna chata, moleina cha Izarei tawhta nama pahleipadia aw.

RYHPACHANEINA 17:7

Pahnokheituhpazy ta thie awpa chô liata ama ku pathla tua chai aw ei ta, cha khai tawhta zawpi ta ku ama pathla aw. Cha hawhna chata hmo pha leipa cha nama hry tawhta nama pahlei awpa a châ.

RYHPACHANEINA 19:19

a unawhpa chô liata tao â chhuahpa hawhta, ano chô liata nama tao awpa a châ. Cha hawhna chata hmo pha leipa cha nama hry tawhta nama pahlei ha aw.

RYHPACHANEINA 21:21

Cha khai tawhta khihsaw zydua ta alô ta vawhsao aw ei ta, cha hawhna chata hmo pha leipa cha nama hry tawhta nama pahlei awpa a châ. Cha thâtih cha Izarei zydua ta thei aw ei ta, ama chi aw.

RYHPACHANEINA 22:21

a paw o liata sihryhpa ta y ta, Izarei liata hmo molei ngaitapa a taopa vâta, chanô cha a paw o chhikao lâ a chhi aw ei ta, a yna khihpi liata chyhsazy ta alô ta ama vawhsao awpa a châ. Cha hawhna chata nama hry liata hmo phaleipa cha nama pahlei awpa a châ.

RYHPACHANEINA 22:24

khihpi chhôh liata a y thlâh hapa tlai ta chanô ta a awh leipa vâta nata chapaw chhao a vaih lapinô moh a pachhiepa vâta, ama pano ta khihpi thokhy chhikao lâ a chhi aw ei chi ta, alô ta nama vawhsao awpa a châ. Cha hawhna chata hmo pha leipa cha nama hry tawhta nama pahlei awpa a châ.

RYHPACHANEINA 24:7

“Chyhsa ta a unawhpa Izarei chyhsa paru sala, sei ta ma a tao tly, a zuah tlyma, pahnopa a châ khiahta cha, parutuhpa cha thie awpa a châ. Cha hawhna chata hmo pha leipa cha nama hry tawhta nama pahlei awpa a châ.

RYUREITUHPAZY 19:22

Palôh thaphapa ta ama y hai nota, moh teh u, khihpi chyhsa moleipazy ta o cha vaw dôh ei ta, ochhi thata phy ei ta. O hneituhpa pawpipa hnohta, “Na o liata a vaw tlôpa chapaw kha vaw papua teh, eima ykhei aw,” tah ei ta.

RYUREITUHPAZY 20:12

Izarei chizy ta Benzami chi yna zydua lâ chyhsazy tuah ei ta, ama hnohta, “Nama hry liata he hawhpa hmo a vaw y thlâh hapa he, kheihawhpa moleina ma a châ tly?

RYUREITUHPAZY 20:14

Izarei sawzy a dyuh awpa ta,Benzami sawzy cha ama khihpizy tawhta pua ei ta, Kibia liata a tyhpakhy ei ta.

1 SAMUELA 2:25

Chyhsa ta chyhsa chô liata a molei khiahta cha, Khazohpa ta paryhkhei aw ta, chyhsa ta Abeipa chô liata a molei khiahta cha, ahy ma a paryhkhei khao aw?” tah ta. Châhrasala Abeipa ta âmo cha thie â chhuah hapa vâta, ama paw bie cha nathlie khoh pyly veih ei.

1 SAMUELA 30:22

Dâvi hnohta a siepazy hry liata moleipa nata chyhsa chhiepa zydua ta, “Eima hnohta sie hra tlôh leipa ei ta, chavâta hraona sôh eima la pakhuapazy he âmo pie hra aw ma pi, ama lapinô nata sawzy deikua cha a chhi aw ei ta, ama sie thei aw,” tah ei ta.