RYUREITUHPAZY 20:10 - Mara Bible RV (BSI)

¹⁰ Pheisaihzy niedo a hlâ awpa ta, Izarei chi zydua hry tawhta chyhsa za kha liata pahrawh, sâh kha liata za kha, thy kha liata sâh kha lymâ ta eima la aw. Chatanachata pheisaihzy ta Benzami chi Kibia khihpi cha siehnao aw ei ta, Izarei liata hmo pasichhih ngaitapa ama taopa cha viari ama vaw thô aw,” tah ei ta.

RYUREITUHPAZY 20:10 ပူးပေါင်းရင်းမြစ်များ

THEIHTHAINA 18:24

“Cha hawhpa hmozy taopa ta, nâmosasyh a papuapalei khah u. Cha hmozy ama taopa vâta, nama hmiakô liata ei papua laihpa phopizy kha amâ papuapalei hapa a châ.

RYHPACHANEINA 22:21

a paw o liata sihryhpa ta y ta, Izarei liata hmo molei ngaitapa a taopa vâta, chanô cha a paw o chhikao lâ a chhi aw ei ta, a yna khihpi liata chyhsazy ta alô ta ama vawhsao awpa a châ. Cha hawhna chata nama hry liata hmo phaleipa cha nama pahlei awpa a châ.

ZAWSUA 7:15

Ahy rai châ sala, pahleipadia awpa hmo a hnohta hmôpa a châ khiahta cha, Abeipa biehrai parao ta, Izarei liata hmo pha lei ngaitapa a taopa vâta, cha chyhsa cha, a chhôhkha nata a hneipa zydua chhaota mei ta rao awpa a châ,” tah ta.

RYUREITUHPAZY 20:11

Cha hawhna chata Izarei chyhsa zydua cha reih kha tlapa ta, Kibia khihpi a dyuh awpa ta a hmaoh ei ta.

RYUREITUHPAZY 20:6

Hmo pasichhihpa nata nozachhihpa Izarei liata ama taopa vâta, ei nôtho ri cha la na ta, a vyuh vyuh ta pachhaih na ta, Izarei ryuto râh zydua lâ ei paphao ei.

RYUREITUHPAZY 20:9

He hmo he Kibia chô liata eima tao aw: nuby a dao aw pi ta, eima khyhnao aw.

RYUREITUHPAZY 21:1

Izarei pheisaihzy cha Mizpâ liata bie a taih ei ta, “Eima hry liata ahy hmahta eima sawchanô Benzami lapinô ta eima pie awpa châ vei,” tah ei ta.