RYUREITUHPAZY 2:19 - Mara Bible RV (BSI)

¹⁹ Châhrasala ryureituhpa a thipa nahta, hnôh lâ kua ei ta, ama pathlatuhpazy hlâ chhao ta molei viapa ta, khazoh hropazy chakao ei ta amâ chhy ha tyh. Ama tao tyhpa nata ama chhorunazy pathleih hlei veih ei.

RYUREITUHPAZY 2:19 ပူးပေါင်းရင်းမြစ်များ

ÂTHAONA 6:11

Alei cha Khazohpa hmiakô liata rao khai ha ta, thachahra hmâna sai ta bie ta.

NEHEMIAH 9:28

Châhrasala ama thadâh tawhta, na hmiakô liata moleina hmo tao heih ei ta, chavâta âmo cha ama chariahzy ku liata siesai chi ta, ama chariahzy ta ama chô liata bie ama hnei haw. Chatahrasala nâ lâ vaw kua ei ta, ama cha pado nahta, vârâh tawhta vaw nathlie chi ta, na zawngiahna vâta ei hluhpi na pachha heih tyh ei.

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

PUASAINA 32:7

Abeipa ta Mawsi hnohta, “Zu teh, na phopi Izi râh tawhta nâ kaw chhi papuapazy âmosasyh ta amâ parao ha khuh.

ZEREMIAH 16:12

Nâmo tlai chhao, châ pathlatuhpazy hlâta paru via ei chi ta, pachâ tua u, chyhsa to nama palôh chhorupa moleina lâpi a chhih ei chi ta, kei na nathlie khoh veih ei chi.

ZEREMIAH 23:17

Abeipa bie khâpa saw ta a reih leipazy hnohta, ‘Nama châta a pha aw,’ tah ei ta, âmo palôh khopa a taopa chhorupa zydua hnohta, ‘Nama chô liata chhiena vaw tlô aw vei,’ ama tah tyh.”

ZEREMIAH 3:17

Cha daihti liata, Zerusale cha Abeipa beidyuchhai tahpa châ aw ta, cha liata phopi zydua Abeipa hmiakô liata Zerusale liata a hmaoh aw ei ta, ama palôh moleina zipa ta kuhchhapa ta y khao aw veih ei.

EZEKIA 20:30

“Chavâta Izarei pathlazy chho la, ama hnohta hetana heta tah mah y. Abeipa Zehôvâh ta hetana heta a tah: Châ pathlatuhpazy taozie hawhta nâmosasyh ta a papuapaleipa ta, ama hmo pasichhihpazy liana khata nâmo chhao namâ phei hra aw ma?

MATHAI 23:32

Châ pathlatuhpazy taopa kha tlao patlô lâlao teh u.

RYHPACHANEINA 31:29

Ei thi tawhta thata molei aw ei chi ta, bie ei cha piepa ei lâpi tawhta nama tleisai aw tahpa ei pahno. Noh a vaw tlô awpazy liata, nama ku hmotaopa ta Abeipa hie pahâhpa ta, a mohmô liata hmo pha leipa nama tao awpa vâta, hmo pha leipa ta a cha tla thlu aw ei,” tah ta.

ZAWSUA 24:31

Zawsua hro chhôh nata Zawsua hlâta a hro parei viapa, Abeipa ta Izarei châta hmo a taopa zydua a pahnotuhpa machâzy hro chhôh liata cha, Izarei sawzy ta Abeipa ama chakao lymâ.

RYUREITUHPAZY 10:13

Chatanachôta nâ paphasai ei chi ta, khazoh hropazy tlao nama chakao. Chavâta cha pachha khao aw veih ei na.

RYUREITUHPAZY 2:18

Abeipa ta ama châta ryureituhpazy a paduana daihti maihta, Abeipa cha ryureituhpa hnohta y ta, ryureituhpa hro chhôh zydua cha, Abeipa ta ama chariahzy ku tawhta a pachha lymâ tyh ei. Ama chariahzy ta tlybai ei ta, rie ama patheipa vâta, amâ hrôna ao ta Abeipa cha ngiachhiena a pahneisa heih tyh.

RYUREITUHPAZY 2:20

Chavâta Abeipa pathi cha Izarei chô liata thata ia ta, “He phopi heta ama pathlatuhpazy hnohta bie ei piepa, ei biehrai parao ei ta, ei ao ama nathlie leipa vâta,

RYUREITUHPAZY 2:7

Zawsua hro chhôh zydua nata Zawsua hnôhlâ ta Abeipa ta Izarei châta hmo rônahpa a taopa a hmôpa Izarei machâzy hro chhôh zydua liata, Izarei phopi cha ama zydua ta Abeipa ama chakao lymâ.

RYUREITUHPAZY 4:1

Ehu a thi tawhta Izarei sawzy cha Abeipa mohmô ta moleina hmo tao heih ei ta.

RYUREITUHPAZY 8:33

Kidia a thipa nahta, Izarei sawzy ta Abeipa cha tleisai heih ei ta. Bâlâzy liata sihryhpa ta, Bâlâberi cha ama khazoh ta tao ei ta.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.