RYUREITUHPAZY 2:17 - Mara Bible RV (BSI)

¹⁷ Chatanachôta ama ryureituhpazy bie nathlie khoh leipa ei ta, khazoh hropazy liata a phei ei ta, khazoh hropazy a chhy ei ta, ama pathlatuhpazy ta Abeipa biepiepazy zyhpa ta a lâpi amâ chhih tyhpa cha thlai ta tleisai ei ta, tao khao veih ei.

RYUREITUHPAZY 2:17 ပူးပေါင်းရင်းမြစ်များ

HLAZY 106:39

Ama hmotaopazy vâta pathaih leipa châ ei ta, Ama hmotaopazy liata sihryhpa ama vaw châ haw.

HLAZY 106:43

Ei hluhpi âmo cha pachha ta, Châhrasala Abeipa chakhia awpa tlao a chhuah ha ei ta, Ama paraona vâta panawhpa ta ama y haw.

HLAZY 73:27

Pachâ teh, nâma châ hlapazy cha leidia aw ei ta, Na châta ngâchhih leipazy cha ama chhâna na patlôsa tyh.

PUASAINA 32:8

Ei biepiepazy thlai tleisaipa ta, viahchaotaw nothlahpa a tao ei ta, cha cha amâ chhy. Ano lâ a theih ei ta, ‘Hy Izarei, he he Izi râh tawhta châ kaw chhi papuatuhpa na khazoh a châ hih!’ ama tah,” tah ta.

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

HÔSIA 2:2

“Nama nô cha a haw u la, A haw chaimâh teh u; Ei lapinô châ leipa ta, A vahpa châ va na. A sihryhna cha a hmia tawhta thy sala, Â pheina cha a sâhpizy tawhta thy mawh sy!

THEIHTHAINA 17:7

Amâ phei tyhna mie tôhpa khazohzy lâta atheihnazy ama hlâ awpa châ khao vei. Cha cha ama chhâ zydua châta chhâzaw bieraopa a châ aw.

AMÔSÂ 2:4

Abeipa ta heta na heta a tah: “Zudâh moleina miathôh vâta, Âh, miapalih vâ chhao rai ta, Hriena chalihsa aw va na; Abeipa ryhpa dytha ei ta, A bieraopazy ama zyh leipa vâta. Âmo pathlatuhzy lâpi a chhih ei ta, Ama haipa biezy ta a paviasa ei.

KALATIA 1:6

Krista ngiachhiena zawhzi ta nâmo châ awtuhpa siesaipa ta, thâtihpha hropa lâta thlai nama tlei thlâhpa he, noâh ei tah ngaita!

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

RYHPACHANEINA 31:18

Khazoh hropazy lâ a heih ei ta hmo pha leipa ama taopa zydua vâta, cha noh liata ei hmia ei nyu tlai aw.

RYHPACHANEINA 9:12

Abeipa ta ei hnohta, ‘Thyu la, he su tawhta zu para teh. Izi râh tawhta nâ kaw chhi papuapa, na phopi ama molei ha khuh. A chhih awpa ta bie ei piepa lâpi thlai tleisai ei ta, nothlahpa tlao amâ tao,’ tahpa ta na chho ta.

RYHPACHANEINA 9:16

Mohmia pasaih na ta, Abeipa nama Khazohpa chô liata nama vaw moleipa hmô na ta. Viahchao taw nothlahpa a tao ei chi ta, Abeipa biepiepa lâpi tawhta thlai nama tlei haw.

ZAWSUA 24:24

Zawpizy ta Zawsua hnohta, “Abeipa eima Khazohpa chakao aw pi ta, a bie eima zyh lymâ aw,” tah ei ta.

ZAWSUA 24:31

Zawsua hro chhôh nata Zawsua hlâta a hro parei viapa, Abeipa ta Izarei châta hmo a taopa zydua a pahnotuhpa machâzy hro chhôh liata cha, Izarei sawzy ta Abeipa ama chakao lymâ.

RYUREITUHPAZY 2:7

Zawsua hro chhôh zydua nata Zawsua hnôhlâ ta Abeipa ta Izarei châta hmo rônahpa a taopa a hmôpa Izarei machâzy hro chhôh zydua liata, Izarei phopi cha ama zydua ta Abeipa ama chakao lymâ.

RYUREITUHPAZY 8:33

Kidia a thipa nahta, Izarei sawzy ta Abeipa cha tleisai heih ei ta. Bâlâzy liata sihryhpa ta, Bâlâberi cha ama khazoh ta tao ei ta.

1 SAMUELA 12:12

Châhrasala Amawna bei Nahâsâ cha nâmo a dyuh awpa ta â vy tahpa nama pahno nahta, Abeipa nama Khazohpa cha nama bei a châ thlâh hapa chhao ta, ei hnohta, ‘Châ vei, abei ta eima chô liata ryu a reih awpa a châ,’ nama tah heih.

1 SAMUELA 12:17

Tanoh he sâh hria noh châ vei ma? Tôkalôhpa pathuasa awpa nata avâ pasuasa awpa ta, Abeipa ei awsao aw. Chatanachata bei nama hiana kyh liata Abeipa mohmô ta hmo nama paraopa he a rarôh yzie pahno aw ei chi ta, nama hmô aw,” tah ta.

1 SAMUELA 12:19

Izarei phopi zydua ta Samuela hnohta, “Eima thi lei nawpa ta, châ chakaotuhpazy châta Abeipa na Khazohpa lâ thlah miah chhâpa teh. Bei hiah pi ta, he hmo pha lei ngaitapa eima taopa he, eima moleina zydua baichhatuhpa tlao a vaw châ,” tah ei ta.