RYUREITUHPAZY 2:15 - Mara Bible RV (BSI)

¹⁵ Hrâ ama siena maihta, Abeipa ta a reipa nata ama hnohta bie â taihpa hawhta, Abeipa ku tlai ta âmo cha â dyuhpa vâta, pahniepa ama châ lymâ. Chavâta ama pachâ a rôh ngaita.

RYUREITUHPAZY 2:15 ပူးပေါင်းရင်းမြစ်များ

2 THÂTIHZYRONA 12:1

Rehôbaw cha a ryureina liahsa a i ta, a tha a vaw tlô nahta, Abeipa ryhpa tleisai ha ta. Ano chhâh a châpa Izarei saw zydua chhao ta Abeipa ryhpa cha tleisai ha hra ei ta.

ZEREMIAH 18:8

cha phopi chata a châna awpa ei phuahpa vâna chata, a moleina â heihsai khiahta cha, a chô liata chhiena patlôsa ei chhuahpa cha ei pathleih aw.

ZEREMIAH 21:10

Phana châta châ leipa ta, chhiena châta, he khihpi lâ he a heih ha na ta, Babylaw bei ku liata hlâpa châ aw ta, ano ta mei ta a rao aw, Abeipa ta a tah.’

ZEREMIAH 44:11

“Chavâta Pheisaihzy Abeipa, Izarei Khazohpa ta hetana heta a tah: Pachâ teh u, cha parao awpa ta châ heihnao aw ei na ta, Zudâh pathla zydua ei chhawh pathlah khai ha aw ei.

ZEREMIAH 44:27

Phana châta châ leipa ta, chhiena châta ei mokhâh thlâh ha ei. Izi râh liata a ypa Zudâh chyhsa zydua cha, ama chhâ khaina taihta zaozi nata chakâhna ta pamuapa ama châ aw.

MIKÂ 2:3

Chavâta Abeipa ta hetana heta a tah: Pachâ teh u, he pho châna heta chhiena pachhuahpanoh na ta, Cha tawhna chata a pachha thei aw veih ei chi. Chhiena daihti a châ awpa vâta, Akhotlâh kawpa ta a hlaihlâ thei khao aw veih ei chi.

2 KAWRINI 4:8

Kyh to liata chaiepa ta y pi ta, châhrasala eima hu po vei. Nôpopa ta y pi ta, châhrasala eima hnabeidy vei.

RYHPACHANEINA 18:20

Bie rei awpa ei pie leipa tlai ta, ei moh ta bie a reihpa nata khazoh hropazy moh ta bie a reihpa hrohsopa cha a thi awpa a châ,’ tah ta.

RYUREITUHPAZY 10:9

Amawna mo cha Zudâh mo, Benzami mo nata Epharai pathlazy a dyuh awpa ta Zawdâh chaka ei ta, chavâta lzarei cha nôpo ngaitapa ta y ta.

RUTHI 1:13

ama pitlohna taihta nama hâ thei aw ma? Dyhchâ leipa ta ma âmo châta namâ kuh thlâh ha aw? Châ bao va, ei sawchanôzy saih u, nâmo vâna heta ei pachâ a rôh ngaita. Abeipa ta ei chô liata ku a pathla ha hih,” tah ta.

1 SAMUELA 12:15

Abeipa ao nathlie leipa ta, Abeipa biepiepa namâ dyuh khiahta deikua cha, châ pathlatuhpazy â dyuhpa hawhna khata, Abeipa ku ta nâmo nata nama bei cha a châ dyuh aw ei.

1 SAMUELA 13:6

Izarei pheisaihzy cha chadiepa ta y ei ta, ama duahmo a pha leizie ama hmô nahta, lôpu liata zy, apopa liata zy, lôpanô liata zy, khaohtlô liata zy, tipâh ruapa liata zy a nyu ei ta.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.

1 SAMUELA 30:6

Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.