RYUREITUHPAZY 2:11 - Mara Bible RV (BSI)

¹¹ Izarei sawzy ta Abeipa mohmô liata moleina hmo taopa ta, Bâlâ khazohzy a chhy pathao ei ta.

RYUREITUHPAZY 2:11 ပူးပေါင်းရင်းမြစ်များ

ÂTHAONA 13:13

Sawdawmâ chyhsazy cha molei ngaita ei ta, Abeipa chô liata hmo thata parao ei ta.

ÂTHAONA 38:7

Zudâh sawchapaw uhtheipa Erâ cha Abeipa mohmô ta moleipa châ ta, chavâta Abeipa ta ano cha a thie haw.

1 ABEIZY 11:5

Sawlawmaw cha Sidaw mo khazohnô Astarô nata Amawna mo khazoh pasichhihpa Mikô zy a chhy ta.

1 ABEIZY 18:18

Elaizâh ta, “Kei ta Izarei nô papo va na, nâma nata na paw chhôhkha ta Abeipa biepiepazy tleisaipa ta, Bâlâ nama pazipa vâta, Izarei nô nama papopa a châ.

1 ABEIZY 22:53

A paw taopa maih tao hra ta, Bâlâ chakaopa ta, a chhy ta, chavâta Abeipa, Izarei Khazohpa cha a hie pahâh ha ta.

2 THÂTIHZYRONA 28:2

Izarei beizy lâpi tlao a chhihpa ta, Bâlâ khazoh nothlah leihpazy tao ta.

2 THÂTIHZYRONA 28:3

Hinô Sawchapawpa Saikao liata atheihnazy hlâ ta, Abeipa ta Izarei phopi hmiakô liata a papua hapa phopizy ta pasichhihpa ama taopazy tao hra ta, a sawchapawzy mei ta raopa ta atheihna ta hlâ ta.

2 THÂTIHZYRONA 33:6

A sawchapawzy cha raopa hlâna atheihna ta Hinô Sawchapawpa Saikao liata hlâ ta, kulâmopa, pachaopa nata molietaopa zy hmâh ta, peihthaipa nata athihpa bie a chho thaipazy â saohiah tyh. Cha hawhna chata Abeipa mohmô liata hmo molei ngaitapa taopa ta, Abeipa hie pahâh ha ta.

EZRÂ 8:12

Azkâ pathlazy tawhta Hâkatâ sawchapawpa Zôhanâ nata pawtlohpa 110,

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

HLAZY 78:56

Chatanachôta Chônôchai Khazohpa cha pasiapa ta chakhia ei ta, A bieraopazy zyh veih ei.

ZEREMIAH 11:10

Ei bie a nathlie khoh leipa, âmo pathlatuhpazy moleina lâ kua heih ei ta, khazoh hropazy pazi ei ta ama chakao. Izarei pathlazy nata Zudâh pathlazy ta âmo pathlatuhpazy hnohta biehrai ei taopa ama parao haw.

ZEREMIAH 16:11

hetana heta nâ chhy aw ei: ‘Châ pathlatuhpazy ta kei na siesaipa ta, khazoh hropazy pazi ei ta, cha khazohzy cha chakaopa ta, a chhy ei ta, kei na siesaipa ta, ei ryhpa ama zyh leipa vâta a châ.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 2:23

Kheihta ma, “Pathaih leipa châ va na, Bâlâ chhao pazi beih va na,” na tah thei tly? Saikao liata na yzie kha moh la, Na hmotaopa kha pachâ tua: Râraoseihpa zeinô paw khohpa hawhta, Hao lâ he lâ a râhreih chi ta,

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

ZEREMIAH 9:14

chhorupa ta âmo palôh khopa tao ei ta, ama pathlatuhpazy ta ama pachupa hawhta, Bâlâ khazohzy ama pazipa vâta a châ.

MALUHREINA 25:3

Cha hawhna chata Izarei ta Peô liata Bâlâ nata azaona tao ta. Chavâta Izarei chô liata Abeipa pathi ia ta.

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

RYHPACHANEINA 4:25

“Saw nata samohzy hneipa ta, cha râh liata bohpi nama y tawhta, moleina hmo taopa ta, nothlahpa kheihawhpa rai taopa ta, Abeipa nama Khazohpa mohmô ta hmo paraopa ta, a hie nama pahâh khiahta cha,

RYUREITUHPAZY 10:10

Izarei sawzy ta Abeipa pado ei ta, a hnohta, “Na chô liata eima vaw molei haw, eima Kha­zohpa a paphasaipa ta, Bâlâzy tlao eima vaw chakao haw,” tah ei ta.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 13:1

Izarei sawzy cha Abeipa mohmô ta moleina hmo tao heih ei ta, chavâta Abeipa ta âmo cha Philistinâ mo ku liata kô sypalih paysa ta.

RYUREITUHPAZY 3:12

Izarei sawzy cha Abeipa mohmô ta moleina hmo tao heih ei ta. Abeipa mohmô ta moleina ama taopa vâta, Abeipa ta Môabâ bei Ekalaw cha Izarei pahnie awpa ta a tha patlô ta.

RYUREITUHPAZY 3:7

Izarei sawzy cha Abeipa mohmô ta moleina hmo tao ei ta. Abeipa ama Khazohpa cha mypa ta, Bâlâ nata Aserô chakao ei ta.

RYUREITUHPAZY 4:1

Ehu a thi tawhta Izarei sawzy cha Abeipa mohmô ta moleina hmo tao heih ei ta.

RYUREITUHPAZY 6:1

Izarei sawzy cha Abeipa mohmô ta moleina hmo tao heih ei ta. Chavâta Abeipa ta âmo cha Midia mo ku liata kô sari paysa ta.

RYUREITUHPAZY 6:25

Cha zâ liata Abeipa ta Kidia hnohta, “Na paw viahchao tôhpa la la, viahchao tôh hropa kô saripa chhao la la, na paw paduapa Bâlâ maisâh kha pacho la, a kiapâh liata Aseri tôh chhao thlu la,

RYUREITUHPAZY 8:33

Kidia a thipa nahta, Izarei sawzy ta Abeipa cha tleisai heih ei ta. Bâlâzy liata sihryhpa ta, Bâlâberi cha ama khazoh ta tao ei ta.

1 SAMUELA 12:10

Chatawhcha Abeipa awsao ei ta, a hnohta, ‘Eima vaw molei ha na, Abeipa a heihsai pi ta, Bâlâzy nata Astarôzy eima vaw chakao haw. Chatahrasala tahmâ eima chariahpazy ku tawhna heta miah pachha la, nâma eima cha chakao bâ aw,’ tah ei ta.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.

1 SAMUELA 7:4

Chavâta Izarei sawzy ta Bâlâ nata Astarô khazohzy cha thy khai ei ta, Abeipa deita chakao ha ei ta.