RYUREITUHPAZY 19:6 - Mara Bible RV (BSI)

⁶ A tyuh ei ta, ama pano ta nie khoh doh khoh heih ei ta. Chanô paw ta a hnohta, “A ly kawpa ta tazâ cha a rie la, palôhtlâhpa ta y mah y,” tah ta.

RYUREITUHPAZY 19:6 ပူးပေါင်းရင်းမြစ်များ

2 SAMUELA 13:28

Absalaw ta a chakaotuhpazy hnohta biepie ta, “Ngia u la, Amanaw palôh cha kresawhti vâta thapha ngaitapa ta a y nahta, nama hnohta, ‘Amnaw kha thie teh u,’ ei cha tah ti ei ta, thie muh vy. Chi khuh vy. Bie ei cha pie ei. Nama riah a papha u la, a pachyu teh u,” tah ta.

1 ABEIZY 21:7

A lapinô Zezebel ta a hnohta, “Izarei bei châ va chi ma? Thyu la pati nie la, palôh thaphapa ta y mah y. Zezari chyhsa Nâbô kre sadô cha keima ta ei cha pie aw,” tah ta.

ESTHERI 1:10

A noh sarina noh ta, abei cha kresawhti vâta a palôh thathyu kaw ta, chatanachata bei chakaotuhpa pasarizy, Mehumâ, Bizathâ, Hôbônâ, Bithâh, Abathâ, Zethâ nata Kâkâ zy cha,

HLAZY 104:15

Chyhsa palôh palysa nawpa ta kresawhti papua chi ta, A hmia patliena châta sathaw papuapa ta, Chyhsa palôh thapatlô nawpa ta viahchhâ na papua.

LUKA 12:19

Chatawhcha ei thlahpa hnohta, “Thlahpa y, kô hluhpi chhôh châta hmo hluhpi nâ pachô haw. A pahâ la, nie la, doh la, thaphapa ta y mah y,” ei tah aw,’ tah ta.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

BIEPHUAH 11:10

Lei chyhsazy rie a patheipa hrohsopa panozy thiepa ama châpa cha, lei chyhsazy a ly kaw aw ei ta, alynazy tao aw ei ta, hmosaipiepazy amâ pie raihrie aw.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.

RYUREITUHPAZY 16:25

Ama palôh a thapha ngaita nota, “Sâsawna kha aw u la, miah vaw palypauasa tua se,” tah ei ta. Chatanachata Sâsawna cha patâhna o tawhta aw papua ei ta, âmo cha palypauasa ta. Otôh nata otôh likawh liata paduasa ei ta,

RYUREITUHPAZY 19:7

Livai chyhsa cha sie awpa ta thyu ha taraw ta, a puhpa ta a thlyu ngâ thlâh hapa vâta a rie heih ta.

RYUREITUHPAZY 19:9

Chatawhcha Livai chyhsa nata a nôtho nata satliapa cha sie awpa ta thyu ei ta, a puhpa, chanô paw ta a hnohta, “Moh teh, noh hawh a zei ha ta a zâlâ ha hih. Ngiachhiepa ta tazâ cha a rie thlâh ha teh u. Moh teh, noh a tla ha hih, he liata a rie la, na palôh a palysa chy teh. Mylâ thyu patoh aw ei chi ta, o lâ cha sie lah vâ ei chi,” tah ta.

RYUREITUHPAZY 9:27

Lyu lâ sie ei ta, ama kre sadôzy liata kre theizy lyu ei ta, tly ei ta. Kyhchhi tao ei ta, ama khazoh o liata a ngiapa ta, niedoh ei ta, Abimele cha reipachhie ei ta.

RUTHI 3:7

Bôaza cha nie ta a doh khai nahta, a palôh a ly ngaita ta, vawh ta sâh pathluna chhâna liata a kei zia ta. Ruthi cha a zyhta ta vawh ta, a phei lâta poh cha hy ta, a phei thaby liata a zia ta.

1 SAMUELA 25:36

Chatawhcha Abikai cha Nâbâ lâ vawh ta, moh tua u, Nâbâ cha a o liata kyhchhi vaw tao ta, abei kyhchhipa hawhta kyh vaw chhih ta. Nâbâ cha a pari hapa vâta a ly kawpa ta vaw y ta. Chavâta a mylâ khih pavâ hlâlei cha, Abikai ta khâpa hmah chho leipa ta.