RYUREITUHPAZY 19:24 - Mara Bible RV (BSI)

²⁴ Moh teh u, ei sawchanô laihsa kôpa y ta, ei khichhaipa nôtho chhao a y. Âmo cha tahmâ ei vaw papua aw ei. Âmo cha ykhei u la, pha nama tahpa hawhta ama chô liata tao teh u. He chyhsa chô liata deikua cha, cha hawhpa hmo pasichhihpa cha tao khuh vy,” tah ta.

RYUREITUHPAZY 19:24 ပူးပေါင်းရင်းမြစ်များ

ÂTHAONA 19:8

Moh teh u, chapaw a pahno beih leipa sawchanô pano ei hnei. Âmo cha nâmo lâ kaw papua aw ei na ta, pha nama tahpa hawhta ama chô liata tao teh u. He chyhsazy chô liata deikua cha, ei o vâphuh abohna ry liata a vaw ngia hapa châ ei ta, khâpa hmah tao cheita khuh vy,” tah ta.

ÂTHAONA 34:2

Cha râh bei Hivi chyhsa Hamô sawchapawpa Sekhe ta vaw hmô ta, patu ta, a ziakhei ta, a noh pazao ha ta.

RAWMA 3:8

Chyhsa thokha ta, “‘Hmo phapa a vaw pua thei nawpa ta, hmo moleipa tao ei suh u,’ ama tah na,” tahpa ta â doleipa ta miah ama baipa hawhna khata eima tao thlâh ha aw ma? Cha hawhpa chyhsazy cha thailei a châ awpa rai ama châ.

RYHPACHANEINA 21:14

Ama chô liata namâ ly khao leipa khiahta cha, ama khona lâ maih sie nama pasai awpa a châ. Ama noh nama pazao hapa vâta, sôh ta nama zuah awpa châ leipa ta, sei ta nama hnei heih awpa châ khao vei.

RYUREITUHPAZY 19:25

Châhrasala chyhsazy ta a bie cha nathlie khoh leipa ei ta. Livai chyhsa ta a nôtho cha patu ta, chyhsazy lâ cha papua ta. Azozâkhihdei ta patupakhi ei ta. Khih a vaw dei pathao nahta, pathlie ei ta.