RYUREITUHPAZY 19:23 - Mara Bible RV (BSI)

²³ O hneituhpa pawhrâhpa cha âmo lâ kei pua ta, ama hnohta, “Châ bao va, ei unawhzy saih u, ei châ haw ei, cha hawhpa moleina rarôh ypa cha tao cheita khah u. He chyhsa he ei o liata a vaw ngia hapa châ ta, cha hawhpa hmo pasichhihpa cha rie tao khuh vy.

RYUREITUHPAZY 19:23 ပူးပေါင်းရင်းမြစ်များ

ÂTHAONA 19:8

Moh teh u, chapaw a pahno beih leipa sawchanô pano ei hnei. Âmo cha nâmo lâ kaw papua aw ei na ta, pha nama tahpa hawhta ama chô liata tao teh u. He chyhsazy chô liata deikua cha, ei o vâphuh abohna ry liata a vaw ngia hapa châ ei ta, khâpa hmah tao cheita khuh vy,” tah ta.

ÂTHAONA 34:7

Thâtih ama pahnopa nahta, Zakaw sawchapawzy cha râh lâ tawhta vaw tlô ei ta. Sekhe ta Zakaw sawchanô a ziakhei ta, Izarei sahlao chô liata hmo molei ngaitapa, hmo tao chachei lei awpa a taopa vâta, ama palôh pasapa ta, ama hiehâh ngaita ta.

2 SAMUELA 13:12

A sietanô ta a chhy ta, “Châ vei, ei rilâhpa, ei noh na pazao khah y. He hawhpa hmo he Izarei liata taopa chi châ vei. He hawhpa hmo hrupa he tao cheita khah y.

RYHPACHANEINA 22:21

a paw o liata sihryhpa ta y ta, Izarei liata hmo molei ngaitapa a taopa vâta, chanô cha a paw o chhikao lâ a chhi aw ei ta, a yna khihpi liata chyhsazy ta alô ta ama vawhsao awpa a châ. Cha hawhna chata nama hry liata hmo phaleipa cha nama pahlei awpa a châ.

ZAWSUA 7:15

Ahy rai châ sala, pahleipadia awpa hmo a hnohta hmôpa a châ khiahta cha, Abeipa biehrai parao ta, Izarei liata hmo pha lei ngaitapa a taopa vâta, cha chyhsa cha, a chhôhkha nata a hneipa zydua chhaota mei ta rao awpa a châ,” tah ta.

RYUREITUHPAZY 20:6

Hmo pasichhihpa nata nozachhihpa Izarei liata ama taopa vâta, ei nôtho ri cha la na ta, a vyuh vyuh ta pachhaih na ta, Izarei ryuto râh zydua lâ ei paphao ei.