RYUREITUHPAZY 19:17 - Mara Bible RV (BSI)

¹⁷ Pawpipa cha mohmia pasaih ta, khitlyhpa khihpi tlyliah liata a y thlâh hapa cha hmô ta. A hnohta, “Khataih lâ na sie aw? Khataih lâ tawhta a vypa ma na châ?” tah ta.

RYUREITUHPAZY 19:17 ပူးပေါင်းရင်းမြစ်များ

ÂTHAONA 16:8

A hnohta, “Hâkarâ, Sârai seichanônô, khataih tawhta nâ vy, khataih lâ na sie aw?” tah ta. Ano ta, “Ei zibeinô Sârai tawhta ei râ,” tah ta.

ÂTHAONA 32:17

Hmia a sahpa hnohta, “Ei uhta Esaw ta châ tyh sala, ‘Ahy eih na châ? Khataih lâ na sie aw? Na hmia lâta a siepazy he ahy eih ama châ?’ tahpa ta a cha hiahri tita,

2 SAMUELA 12:4

Noh kha cha chyhsa hneirôhpa o liata khichhai pakha vaw tlô ta, ano mietaku zaw tawhta tlyma, a viahchao hri tawhta tlyma, a o liata a vaw tlôpa khichhai châta thiepa khoh leipa ta, chyhsa sipasapa mietakutaw cha chhu ta, a o liata a vaw tlôpa chyhsa cha tlao a thiepa,” tah ta.

ISAI 33:8

Lâlaizy pathaih parohpa ta y ta, Khitlyhpa y khao veih ei. Biehrai parao ei ta, Khihpizy khâpasaw ta reih leipa ei ta, Chyhsa hrona chhao pachâ khao veih ei.

ZEREMIAH 14:8

Hy Izarei hnabeiseihpa, Nôpo nota ano pachhatuhpa y, Khazia râh liana heta chihropa hawhta y aw chi ta, Zâ kha rie ta a chapiapa khichhaipa hawhta na y aw?

RYUREITUHPAZY 19:16

Moh teh u, pawpipa pakha cha a lyu rai hriana lâ tawhta zâlâ ta vaw tlô ta. Cha chyhsa cha Epharai tlâh râh chyhsa Kibia liata a pahrâ chypa a châ. Cha su liata chyhsazy deikua cha Benzami mo ama châ.

RYUREITUHPAZY 19:18

Ano ta a hnohta, “Zudâh râh Bethlehe tawhta ei yna Epharai tlâh râh chhâna lâ a siepa eima châ. Zudâh râh Bethlehe lâ khi kei tlyh na ta, tahmâ he Abeipa o lâ sie a chhuah na ta, châhrasala o liata nâ patlôsa khohpa y veih ei.