RYUREITUHPAZY 19:16 - Mara Bible RV (BSI)

¹⁶ Moh teh u, pawpipa pakha cha a lyu rai hriana lâ tawhta zâlâ ta vaw tlô ta. Cha chyhsa cha Epharai tlâh râh chyhsa Kibia liata a pahrâ chypa a châ. Cha su liata chyhsazy deikua cha Benzami mo ama châ.

RYUREITUHPAZY 19:16 ပူးပေါင်းရင်းမြစ်များ

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

HLAZY 104:23

Chyhsapa cha a rai lâ pua ta, Zâlâ taih hriapasa awpa ta a pua tyh.

HLAZY 128:2

Na ku hriapasana thei niepa ta, Vânoh topa ta y aw chi ta, Na châta a pha aw.

BIESOZY 13:11

Dôveina ta sôh hmôpa cha pai aw ta, Hriapasana ta hmôpa deikua cha a pôh aw.

BIESOZY 14:23

Hriapasana to liata athôhna y ta, Reih hluh thlâhthlipa deikua cha dyhchhiena a tlôkhei.

BIESOZY 24:27

Khôtho lâta na rai a chhuanoh la, Lyu liata na raizy a ngoh tawhta, Na o cha sa mah y.

BIECHHOTUHPA 1:13

Avâ ry liata hmo a ypa zydua sona ta tlua awpa ta ei palôh hmâh na ta. Khazohpa ta chyhsa sawzy tao awpa a vaw piepazy he tymâna dei a vaw châ.

BIECHHOTUHPA 5:12

Raihriatuhpa cha a nie hluh tlyma, a nie chyh tlyma, a mokuh pahâh kaw ta; hneirôhpa deikua cha, rih biena taihta a niepa chhao ta a mô thei vei.

HÔSIA 9:9

Kibia liata ama y no hawhna khata, Avyuhna thata ama tao; Abeipa ta ama paraonazy a thei aw ta, Ama moleinazy vâta a hrie aw ei.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

2 THYSALAWNIKA 3:10

Nama hnohta eima y nona chhao khata, “Rai a hria khoh leipa cha, a nie chhao nie khah sy,” tahpa ta bie eima cha pie khawh.

RYUREITUHPAZY 19:1

Cha daihtizy liata, Izarei liata bei ama y lei nota, Livai chi pakha cha Epharai tlâh râh chhâna lâ liata pahrâ ta, Zudâh râh Bethlehe zuah cha nôtho ta hnei ta.

RYUREITUHPAZY 19:14

Chatanachata palâh ei ta, sie lymâ ei ta. Benzami chi Kibia khih amâ hnia nahta, noh tla pâ ha ta.

RYUREITUHPAZY 19:15

Cha liata tlei ei ta, a rie awpa ta Kibia khih lâ pangai ei ta. Khihpi cha a ngia ei ta, ama o liata pariesa awpa ta a hruapa ama y leipa vâta, khihpi tlyliah liata a tyuh ei ta.

RYUREITUHPAZY 19:17

Pawpipa cha mohmia pasaih ta, khitlyhpa khihpi tlyliah liata a y thlâh hapa cha hmô ta. A hnohta, “Khataih lâ na sie aw? Khataih lâ tawhta a vypa ma na châ?” tah ta.