RYUREITUHPAZY 18:31 - Mara Bible RV (BSI)

³¹ Chatanachata Mikâ taopa nothlahpa khaipa cha, Silô khih liata Khazohpa o a y chhôh zydua cha, cha liata a y lymâ.

RYUREITUHPAZY 18:31 ပူးပေါင်းရင်းမြစ်များ

ZEREMIAH 41:5

Sekhe, Silô nata Samâri khihpizy tawhta chyhsa sychariezy cha, ama kâhhmizy ngyupa ta, ama chysiazy hriepa ta nata ama pôhpazy âpa ta vaw tlô ei ta. Abeipa Achhyna o liata hlâ awpa niepa hlânazy nata ropahâhpazy vaw phaoh ei ta.

ZEREMIAH 7:12

Ei moh ei vaw paysa tuana Silô liata keima su lâ vawh u la, ei phopi Izarei moleina vâta a chô liata hmo ei taopa kei moh teh u.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.

RYUREITUHPAZY 19:18

Ano ta a hnohta, “Zudâh râh Bethlehe tawhta ei yna Epharai tlâh râh chhâna lâ a siepa eima châ. Zudâh râh Bethlehe lâ khi kei tlyh na ta, tahmâ he Abeipa o lâ sie a chhuah na ta, châhrasala o liata nâ patlôsa khohpa y veih ei.

RYUREITUHPAZY 21:19

Chavâta Izarei sawzy ta, “Pachâ teh u, Silô liata kô chareih ta Abeipa kyhchhi y tyh ta, he he Bethel maw lâta y ta, Bethel tawhta Sekhe lâ siena lâlai nochhi lâ daih liata Lebônah chho lâta a ypa a châ,” tah ei ta.

RYUREITUHPAZY 21:21

Moh aw ei chi ta, Silô laihsazy ta lânazy liata lâ awpa ta ama vaw puapa nama hmô khiahta cha, kre zôhzy hry tawhta vaw pua aw ei chi ta, Silô laihsazy cha nama lapinô châta patu chyu aw ei chi ta, Benzami râh lâ nama siekhei aw.

1 SAMUELA 1:3

Cha chyhsa cha Pheisaihzy Abeipa a chhy awpa nata atheihna hlâ awpa ta ano khih tawhta Silô khih lâ kô chareih ta sie tyh ta. Eli sawchapawpa pano Hôphani nata Phinehâ zy cha Silô khih liata Abeipa theihthaipazy châ ei ta.

1 SAMUELA 4:4

Silô lâ cha chyhsa tuah ei ta, cherubizy likawh beidyuchhai liata patyupa Pheisaihzy Abeipa Biehrai Byh cha kei palasa ei ta. Eli sawchapawpa pano, Hôphani nata Phinehâ zy cha Khazohpa Biehrai Byh hnohta sie hra ei ta.