RYUREITUHPAZY 16:4 - Mara Bible RV (BSI)

⁴ A noh hro ta Sôre saikao liata chanô pakha, a moh Delilâ ama tahpa cha khoh ta.

RYUREITUHPAZY 16:4 ပူးပေါင်းရင်းမြစ်များ

1 ABEIZY 11:1

Sawlawmaw ta Phiraoh sawchanô thota, chihropa chanô hluhpi, Môabâ zuahzy, Amawna zuahzy, Edômâ zuahzy, Sidaw zuahzy, Hiti zuahzy khoh ta.

NEHEMIAH 13:26

Izarei bei Sawlawmaw chhao kha, cha hawhpa chanôzy vâta a molei hapa kha châ vei ma? Phopi hluhpi hry liata ano hawhpa bei y veih ei. Ano cha Khazohpa ta kyh a pachâpa châ ta, Khazohpa ta Izarei zydua chô liata bei ta a taopa a châ. Chatanachôta ano tlai chhao kha, chihropa chanôzy ta ama pamoleisa hapa a châ.

BIESOZY 22:14

Chanô sihryhpa pakah cha khaohtlô a thupa châ ta, Abeipa hie a pahâhpa cha cha liata a tla aw.

BIESOZY 23:27

Âzuahnô cha khaohtlô athupa châ ta, Apheinô chhao tikhaoh buahpa a châ.

BIESOZY 26:11

I ta a palipa a nie heih tyhpa hawhta, Ahrupa chhao ta a hruzie a palâsa chanei heih tyh.

BIESOZY 27:22

Ahrupa sôkhaoh liata sâh chhaota Sôkhaih ta daih hra la, Ahruna ta ano cha siesai hlei aw vei.

1 KAWRINI 10:6

Hmo moleipa ama khohpa hawhta eima khoh hra lei nawpa ta, cha hmozy cha keimo châta pamosana a châ.

RYUREITUHPAZY 16:3

Châhrasala Sâsawna cha zâcho taih a zia ta, zâcho ta thyu ta, khihpi thokhy chhikaozy nata a tôh mianozy patu ta, a chakana chhaota a zydua ta phia ta, a ngiatlâh ta a pu ta, Hebraw dady tlâh laki lâ siekhei ha ta.

RYUREITUHPAZY 16:5

Philistinâ beimachâzy cha chanô lâ khy ei ta, a hnohta, “Reipasao la, a thatlô ngaitana he khâpa liata ma a y, kheihta tao sih la ma ano he patu thei aw pi ta, chahrypa ta eima panawh thei aw, tahpa pahno a chhuah mah y. Eima zydua ta tâkâ tlaw 1,100 chyu eima cha pie aw,” tah ei ta.