RYUREITUHPAZY 16:28 - Mara Bible RV (BSI)

²⁸ Sâsawna cha Abeipa pado ta, a hnohta, “Hy Beichaipa Khazohpa y, ngiachhiepa ta nâ thei la, Hy Khazohpa, ngiachhiepa ta ei khata he ei tha rie na patlô heih mah y, Philistinâ mo chô liata ei mo kârano phuh ei la thei nawpa ta,” tah ta.

RYUREITUHPAZY 16:28 ပူးပေါင်းရင်းမြစ်များ

2 THÂTIHZYRONA 20:12

Hy eima Khazohpa y, âmo cha pachia aw va chi ma? Miah a vaw siehnaopa pheisaih hri hluh ngaitapa he a dyuh awpa ta tloh ma pi. Tao awpa chhao pahno ma pi. Chavâta eima mozy nâ lâta eima vaw khaih hih,’” tah ta.

HLAZY 10:12

Hy Abeipa, thyu la, Hy Khazohpa, na ku chalo la, Pasataopazy my khah y.

HLAZY 116:4

Chatawhcha hetana heta Abeipa moh ei pado: “Hy Abeipa, ei châ haw na, Ei thlahpa pachha mah y!”

HLAZY 143:12

Ei chô liata na kyhpachâna tleih beih leipa vâta, Ei chariahpazy chhawh pathlah khai la; Ei khakhaipa zydua pahleipadia khai mah y; Châ chakaotuhpa ei châ hih!

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

ZEREMIAH 15:15

Hy Abeipa y, na pahno mâh tâh; Rie nâ theipa ta na vaw tly la, Nâ taolatuhpazy chô liata phuh na lapa mah y. Na daotheina vâta na pahlei leipa la, Nâma vâta reipachhiena a taopa ei châpa pahno mah y.

ZAWNA 2:7

Ei hrona a chhâ hai no ta, Abeipa cha a thei na ta, Ei thlahchhâna nâ lâ vaw tlô ta, Na Achhyna o pathaihpa lâ a vaw tlô.

2 TIMAWTHY 4:14

Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.

HEBRAI 11:32

Khâpa eima reih khao aw? Kidia, Bâraka, Sâsawna, Zephathâ, Dâvi, Samuela nata hrohsopazy kyh reih aw sah la, daihti ta nâ daih aw vei.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.

RYUREITUHPAZY 15:18

Chatawhcha Sâsawna cha a dâhphi kaw ta, Abeipa pado ta, a hnohta, “Na sei hmâpa ta he pachhana he vaw patlôsa ha chi ta, tahmâ dâhphipa ta thipa ta, chopawtai leipazy ku liata ei pao aw ma?” tah ta.

RYUREITUHPAZY 16:27

O chhôh cha chapaw nata chanô zy ta bie thlâh ha ei ta. Philistinâ beimachâ zydua cha liata y khai ei ta, Sâsawna ta palypauasana a taopa vâphuh tawhta a mohpa chhao chapaw nata chanô 3,000 rachhôh ama y.

RYUREITUHPAZY 16:29

Chatawhcha Sâsawna ta o apahniehna asu tôh miano cha hria ta, a ku chachâh lâta miakha patu ta, a ku chavei lâta miakha patu ta.

RYUREITUHPAZY 5:31

“Cha hawhna chata, Hy Abeipa, Na chariahpa zydua leidia khai ei sala, Na viasazy deikua cha, Noh hawhta khaih ei sala, Thatlôpa ta thyu mawh ei sy!” Chatanachata râh cha kô sypalih chhôh thlalôhpa ta y ta.