RYUREITUHPAZY 16:27 - Mara Bible RV (BSI)

²⁷ O chhôh cha chapaw nata chanô zy ta bie thlâh ha ei ta. Philistinâ beimachâ zydua cha liata y khai ei ta, Sâsawna ta palypauasana a taopa vâphuh tawhta a mohpa chhao chapaw nata chanô 3,000 rachhôh ama y.

RYUREITUHPAZY 16:27 ပူးပေါင်းရင်းမြစ်များ

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

RYHPACHANEINA 22:8

“O thiehpa nama sa tita, o chô tawhta chyhsa tla tlamawpa ta, nama o liata thisaih maoh nama paysa lei nawpa ta, o chô cha bâkhâh ta nama dôh awpa a châ.

ZAWSUA 2:8

Mohparutuhpazy amâ zia hlâta, Rahâbi cha ama yna vâphuh lâ khy ta,

RYUREITUHPAZY 16:26

Sâsawna ta satliapa, a ku ta ano a patupa hnohta, “O dyuhna tôhzy na pahriasa tua, ei hnieh khoh kaw,” tah ta.

RYUREITUHPAZY 16:28

Sâsawna cha Abeipa pado ta, a hnohta, “Hy Beichaipa Khazohpa y, ngiachhiepa ta nâ thei la, Hy Khazohpa, ngiachhiepa ta ei khata he ei tha rie na patlô heih mah y, Philistinâ mo chô liata ei mo kârano phuh ei la thei nawpa ta,” tah ta.

RYUREITUHPAZY 9:51

Khihpi chhôh liata o sâhpa a icha kawpa y ta. Khihpi liata chapaw nata chanô zydua nata khih nôpawpa zydua ta cha lâ cha a râ ei ta. A khawhlôh ei ta, o sâhpa vâphuh lâ kiah ei ta.