RYUREITUHPAZY 16:24 - Mara Bible RV (BSI)

²⁴ Zawpizy ta Sâsawna cha ama hmô nahta, ama khazoh cha reithai ei ta, “Eima khazoh ta eima chariahpa, eima râh a paraotuhpa, chyhsa hluhpi miah a thietuhpa cha, eima ku liata miah a pie haw,” tah ei ta.

RYUREITUHPAZY 16:24 ပူးပေါင်းရင်းမြစ်များ

1 THÂTIHZYRONA 10:9

Sawla cha a chysia pahluh ei ta, a luh nata a chariah chhaichhizy la ei ta, thâtih phapa cha ama khazoh nothlahpazy nata chyh­sazy hnohta phuah awpa ta, Philistinâ râh zydua lâta chyhsa tuah ei ta.

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

EZEKIA 20:14

Châhrasala ama mohmô liata ei kaw chhi papuapa phopizy hmiakô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

DÂNIAH 5:4

Kresawhti cha doh ei ta, ngôh, tâkâ, dawh, thua, tho nata alô khazohzy reithai ei ta.

HABAKU 1:16

A sao vâta nie pahâhpa nie thei ta, Niedo hluhpi a hneipa vâta, A sao lâ atheihna hlâ ta, A sao sykhao lâta ropahâhpa a hlâ tyh.

RYHPACHANEINA 32:27

Ama chariahpazy ta pahno chhei ei sala hmahta, Âmo cha pasipasawhpa ta, ‘He zydua he Abeipa taopa châ vei, Keimo ku ta eima pahniepa a châ,’ Ama tah pathlei awpa ei chipa vâta a châ.

BIEPHUAH 11:10

Lei chyhsazy rie a patheipa hrohsopa panozy thiepa ama châpa cha, lei chyhsazy a ly kaw aw ei ta, alynazy tao aw ei ta, hmosaipiepazy amâ pie raihrie aw.

RYUREITUHPAZY 15:14

Lehi a tlô nahta, Philistinâ mo cha awh lymâna chôta ta ano lâ a vy ei ta. Abeipa Thlahpa cha a chô liata thlai vaw tlô ta, a bâh chahryna chaorizy cha, lari mei ta a kâ pachhôpa hawhta vaw châ ta, ano chahrynazy cha a kuzy tawhta tla khai ha ta.

RYUREITUHPAZY 15:16

Chatawhcha Sâsawna ta, “Alâ kâh ru ta, Chahyh lymâ ei na ta; Alâ kâh ru ta, Chyhsa sâh kha ei tusao ei,” tah ta.

RYUREITUHPAZY 15:8

Âmo cha a dyuh ta, ama byh nata ama pheizy chhawhpa ta thata thie ta, zu ta Etamâ lôpu liata y ta.

RYUREITUHPAZY 16:25

Ama palôh a thapha ngaita nota, “Sâsawna kha aw u la, miah vaw palypauasa tua se,” tah ei ta. Chatanachata Sâsawna cha patâhna o tawhta aw papua ei ta, âmo cha palypauasa ta. Otôh nata otôh likawh liata paduasa ei ta,

1 SAMUELA 31:9

Sawla cha a luh tai ei ta, a chariah chhaichhizy pahluh ei ta, ama nothlahpa achhyna ozy liata nata zawpizy hnohta a thâtih phuah awpa ta, Philistinâ râh zydua liata zikyu parâsa ei ta.