RYUREITUHPAZY 16:20 - Mara Bible RV (BSI)

²⁰ Delilâ ta a hnohta, “Sâsawna, Philistinâ mo ta ama cha vaw siehnao!” tah ta. Â môpa cha a kaw hra ta, “Noh hrozy hawhna khata pua aw na ta, ei tlieh papua thlâh heih awh,” tahpa ta pachâ ta. Abeipa ta a siesai hapa pahno vei.

RYUREITUHPAZY 16:20 ပူးပေါင်းရင်းမြစ်များ

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

ISAI 42:24

Ahy ma Zakaw cha parutuhpa liata hlâ ta, Izarei cha hraotuhpazy liata a hlâ ha tly? A chô liata eima vaw molei hapa, Abeipa ta a hlâpa châ vei ma? A lâpizy a chhih khoh leipa ei ta, A ryhpa ama zyh khoh leipa, Abeipa ta a hlâpa châ vei ma?

HÔSIA 7:9

Chihropazy ta a thatlôna nie khai ei ta, Châhrasala a pahno vei; Sâ pawhpa thiapa châ ta, Châhrasala pahno vei.

MALUHREINA 14:9

Abeipa chô liata a ty leipa u la, cha râh liata chyhsazy cha chi hra khah u, âmo cha eima châta viahchhâ hawh deita ama châ; amâ bohna cha âmo tawhta la hapa châ ta, Abeipa eima hnohta a y mâh tâh, âmo cha chi khah u,” tah ei ta.

MATHAI 17:16

Na pachupazy lâ a vaw chhi na ta, âmo ta patlâh thei leipa ei ta,” tah ta.

MATHAI 17:20

Zisu ta ama hnohta, “Namâ ngiapâna a chyhpa vâta a châ. Hmeiseihta ta ei cha chho ei, âhrâ chi hmô kha tie chhâ ta ngiapâna nama hnei khiahta la, he tlâh hnohna heta, ‘He tawhta hao lâ a pasie teh,’ tah u la, â pasie thlâh ha aw. Nama châta tao thei leipa khâpa hmah y aw vei.

2 KAWRINI 3:5

Keimo liata tlohna hnei leipa pi ta, keimo tawhta a puapa rei awpa khâpa hmah hnei ma pi. Eima tlohna cha Khazohpa tawhta a châ.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?

ZAWSUA 7:12

Chavâta Izarei sawzy cha ama chariahzy hmiakô liata a duah thei khao veih ei. Ama chariahzy hmiakô tawhta a râpai ei ta, âmo chhao pahleipadia awpa ta raopa ama châ. Chavâta pahleipadia awpa hmozy cha nama hry tawhtapa nama pahleipadia leipa khiahta cha, nama hnohta y khao aw va na.

RYUREITUHPAZY 16:14

Chatanachata Sâsawna cha â mô chhôh ta, Delilâ ta a sâ phiehpa phao sari cha la ta, thai liata sa pâ ta, thaiphia ta â i ngaitapa ta chhuh pa-i ta, a hnohta, “Sâsawna, Philistinâ mo ta ama cha vaw siehnao” tah ta. Â môpa cha a kaw thei ta, thaipheih nata thai nata a hrai pâna dua ta a daophi pathlah khai ha ta.

RYUREITUHPAZY 16:19

Delilâ ta Sâsawna cha a byh chô liata pamôsa ta, chyhsa pakha aw ta, a luh sâ phiehpa phao saripazy cha pangyusa ta. A rie vaw thei pathao ta, chatanachata Sâsawna cha a thatlôna ta puasai ha ta.

RYUREITUHPAZY 16:21

Philistinâ mo ta patu ei ta, a mozy thaoh ei ta, Kâza lâ zukhei ei ta, dawh keihraizy dai ei ta. Patâhna o liata sâh daih tyh ta.

RYUREITUHPAZY 16:3

Châhrasala Sâsawna cha zâcho taih a zia ta, zâcho ta thyu ta, khihpi thokhy chhikaozy nata a tôh mianozy patu ta, a chakana chhaota a zydua ta phia ta, a ngiatlâh ta a pu ta, Hebraw dady tlâh laki lâ siekhei ha ta.

RYUREITUHPAZY 16:9

Delilâ ta Sâsawna a byh awpa ta, o chhôh via lâta chhôhpadâhpa liata chyhsazy cha paysa ta. Chatawhcha Sâsawna hnohta, “Sâsawna, Philistinâ mo ta ama cha vaw siehnao” tah ta. Sâsawna ta libaw rizy cha, mei ta lari a kâ pachhôpa hawhta, naota ta chhie ha ta. A thatlôna bieru cha pahnopa châ pyly vei.

1 SAMUELA 16:14

Abeipa Thlahpa ta Sawla cha puasai ha ta, Abeipa tuapa ahripa ta ano cha patypamâ ta.

1 SAMUELA 18:10

A mylâ ta Khazohpa tuapa thlahpa chhiepa cha Sawla chô liata vaw tlô ta, o chhôh liata thata a chiaburâh ta. Dâvi cha noh hro ta a tao tyhpa hawhta, to ta tô heih ta. Sawla cha a ku liata asei a chaba thlâh ha ta.

1 SAMUELA 18:12

Abeipa ta Sawla siesai ha ta, Dâvi deikua cha a ypâpa vâta, Sawla ta Dâvi cha chi kaw ta.