RYUREITUHPAZY 16:17 - Mara Bible RV (BSI)

¹⁷ Chatanachata a palôh zydua cha chho khai ha ta, a hnohta, “Ei nô chhi liata ei y no tawhta, Khazohpa châta Nâzarai ei châ hapa vâta, ei luh liata sâ ngyuna rai hmâpa châ beih vei. Ei sâ he ngyupa a châ khiahta cha, ei thatlôna heta na puasai aw ta, ei tha vaw chhâ aw ta, chyhsa tyhpa hawhta ei vaw châ ha aw,” tah ta.

RYUREITUHPAZY 16:17 ပူးပေါင်းရင်းမြစ်များ

BIESOZY 12:23

Asopa cha a pahnopazy nyu ta, Ahrupa deikua cha hruna bie a phuah tyh.

BIESOZY 13:3

A pakah a sohsi theipa cha a hro pabohsa ta, A hmao a kawhpa deikua cha a hro a rao tyh.

BIESOZY 29:12

Ryureituhpa ta haipa bie a nathlie khiahta cha, A beimachâ zydua chhao ama molei tyh.

MIKÂ 7:5

Na opapa zo leipa la, Na viasa chhao ngâ khah y; Na kalachhôh liata a ziapa tawhta Na pakah ochhi vaih mah y.

MALUHREINA 6:2

“Izarei sawzy chho la ama hnohta hetana heta reih teh: Chapaw tlyma, chanô tlyma ta Abeipa châta panano eihpa Nâzarai chyhsa châ awpa ta bietai a ipa a tao khiahta cha,

MALUHREINA 6:5

“Nâzarai châ awpa ta bie â taih chhôh zydua a luh â ngyu awpa châ vei. Abeipa châta â pananona noh â ki hlâlei a pathaih awpa châ ta, a luh sâ â paseih awpa a châ.

HMOTAOPAZY 18:18

Cha hnôhlâ ta, Pawla cha Kawrini liata bohpi y via ta, cha khai tawhta unawhzy cha reih phapa ta a chhaih ta, cha tawhna chata Suria râh lâ balyh ta sie ta. Priskilâ nata Akuilâ chhao a hnohta sie hra ei ta. Pawla cha a bietai a patlô hapa vâta, Kenkaria khih liata a sâ a ngyu ta.

RYUREITUHPAZY 13:5

Nathlie teh, saw phaoh aw chi ta, saw­chapaw na sa aw. A luh liata sâ rai ngyu awpa châ vei. Hawti cha chhi liata a y no tawhta Khazohpa châta Nâzarai châ aw ta, ano ta Philistinâ mo ku tawhta Izarei pachhana rai a pathao aw,” tah ta.

RYUREITUHPAZY 16:16

Delilâ ta noh chareih dycharao ta, â haw ngâ thlâh hapa vâta, Sâsawna cha thina taihta a hro nôpo ta.

RYUREITUHPAZY 16:18

Sâsawna ta a palôh zydua a chho khai haw tahpa Delilâ ta a pahno nahta, Philistinâ beimachâzy lâ chyhsa tuah ta, âmo cha za paawsa ta, ama hnohta, “A khy heih tua teh u, a palôh zydua eina chho khai ha bâ,” tah ta. Philistinâ beimachâzy cha ano lâ khy ei ta, tâkâ chhao kaw phao pâ ei ta.