RYUREITUHPAZY 16:13 - Mara Bible RV (BSI)

¹³ Delilâ ta Sâsawna hnohta, “Tahmâ taihta na dôvei chi ta, haipa biezy eina chho ngâ thlâh ha chi. Kheihta chahry thei awpa ma na châ, na chho teh,” tah ta. Sâsawna ta a hnohta, “Ei luh sâ phiehpa phao saripazy he thai liata sa pâ la, thaiphia ta na chhuh pa-i ha khiahta cha, ei tha vaw chhâ aw ta, chyhsa tyhpa hawhta ei vaw châ ha aw,” tah ta.

RYUREITUHPAZY 16:13 ပူးပေါင်းရင်းမြစ်များ

RYUREITUHPAZY 14:17

Ama kyhchhi noh sari chhôh zydua cha a hmiakô liata cha ngâ thlâh ha ta, a noh sarina noh liata, thata â hawpa vâta chho ha ta. Chatawhcha Sâsawna phôh zuapa cha a lapinô ta a chiheihzy cha chho ta.

RYUREITUHPAZY 16:10

Delilâ ta Sâsawna hnohta, “Pachâ tua, na dôvei chi ta, haipa biezy eina chho chi. Kheihta chahry thei awpa ma na châ, ngiachhiepa ta na chho teh,” tah ta.

RYUREITUHPAZY 16:12

Chatawhcha Delilâ ta chaori thiehpazy la ta, chazy chata Sâsawna cha chahry ta, a hnohta, “Sâsawna, Philistinâ mo ta ama cha vaw siehnao” tah ta. Abyhtuhpa chyhsazy cha o chhôh via lâta chhôhpadâhpa liata y ei ta. Châhrasala a ku chahryna chaorizy cha lari hawhta chhie ha heih ta.

RYUREITUHPAZY 16:14

Chatanachata Sâsawna cha â mô chhôh ta, Delilâ ta a sâ phiehpa phao sari cha la ta, thai liata sa pâ ta, thaiphia ta â i ngaitapa ta chhuh pa-i ta, a hnohta, “Sâsawna, Philistinâ mo ta ama cha vaw siehnao” tah ta. Â môpa cha a kaw thei ta, thaipheih nata thai nata a hrai pâna dua ta a daophi pathlah khai ha ta.