11 Sâsawna ta a hnohta, “Chaori thiehpa, hmâ mâh leipa ta eina chahry khiah ei ta cha, ei tha vaw chhâ aw ta, chyhsa tyhpa hawhta ei vaw châ ha aw,” tah ta.
Âmo ta a hnohta, “Cha thie aw ma pi, a chahry deita ta cha chahry aw pi ta, ama ku liata eima cha hlâ aw, cha thie cheita aw ma pi,” tah ei ta. Chatanachata chaori thiehpa miano ta chahry ei ta, lôpu tawhta a kaw chhi ei ta.
Delilâ ta Sâsawna hnohta, “Pachâ tua, na dôvei chi ta, haipa biezy eina chho chi. Kheihta chahry thei awpa ma na châ, ngiachhiepa ta na chho teh,” tah ta.
Chatawhcha Delilâ ta chaori thiehpazy la ta, chazy chata Sâsawna cha chahry ta, a hnohta, “Sâsawna, Philistinâ mo ta ama cha vaw siehnao” tah ta. Abyhtuhpa chyhsazy cha o chhôh via lâta chhôhpadâhpa liata y ei ta. Châhrasala a ku chahryna chaorizy cha lari hawhta chhie ha heih ta.