RYUREITUHPAZY 15:5 - Mara Bible RV (BSI)

⁵ Chatawhcha meireizy cha pakaih ta, changiezy cha sâh hria mâh leipa Philistinâ mo lyu lâ pathlie ta, sapiah nata sâh hria mâh leipazy cha mei ta rao ta, ôli sadôzy chhao mei ta rao khai ta.

RYUREITUHPAZY 15:5 ပူးပေါင်းရင်းမြစ်များ

2 SAMUELA 14:30

A chakaotuhpazy hnohta, “Moh tua u, Zôabâ lyu cha ei lyu â vaw daih. Bâli sâh hnei ta, sie u la, mei ta kei rao ha muh vy,” tah ta. Absalaw chakaotuhpazy ta lyu cha mei ta kei rao ei ta.

PUASAINA 22:6

“Chyhsa ta mei pakâ sala, ahloh buhzy lâta kâ laihpa ta, sapiahzy tlyma, sâh a duahpa tlyma, lyu tlyma, a kâ khiahta cha, mei pakâtuhpa ta a mâ zydua a thô thlyu awpa a châ.

PUASAINA 23:11

A kô sarina kô liata deikua cha, lyu cha pahâsa aw chi ta, pachihpa ta na paysa aw. Chatanachata na chiheihzy hry liata dyhchhiepazy ta nie aw ei ta, ama la bâhpazy cha lyurâhpa sazy ta ama nie aw. Cha hawhna chata na kre sadô nata na ôli sadô chhao na tao aw.

RYUREITUHPAZY 15:4

Chatanachata Sâsawna cha changie za thôh kei patu ta, meirei la ta, changiezy cha a bao bao ta ama chaolahmei pazao lymâ ta, ama chaolahmei likawh chyu liata meirei cha soh ta.

RYUREITUHPAZY 15:6

Philistinâ mo ta, “Ahy ma he hmo he a tao?” tah ei ta. Âmo ta, “Timnah chyhsa piahpa Sâsawna taopa a châ hih, a puhpa ta a lapinô chhu ta, a viasapa a pie hapa vâta a châ,” tah ei ta. Chatawhcha Philistinâ mo cha khy ei ta, chanô nata a paw cha mei ta raosao ei ta,