RYUREITUHPAZY 15:15 - Mara Bible RV (BSI)

¹⁵ Alâ kâh ru thiehpa hmô ta, kei la ta, cha chata chyhsa 1,000 tusao ta.

RYUREITUHPAZY 15:15 ပူးပေါင်းရင်းမြစ်များ

2 SAMUELA 23:8

Hezy he Dâvi pasaiphazy moh a châ: Takemô chyhsa Zôsebâsebe cha pheisaih hyutuhpa pathôhzy hry liata hyutuh chaipa a châ. Ano he Ezni chyhsa Adinô tahpa ta pahnopa a châ hra. Chyhsa 800 chô liata a asei pahieh ta, ei kha ta a thie khai hapa a châ.

THEIHTHAINA 26:7

Nama chariahzy a chadai aw ei chi ta, nama hmiakô liata zaozi ta ama pao aw.

THEIHTHAINA 26:8

Papangawh ta za kha a chadai aw ei chi ta, za kha ta thy kha a chadai aw ei chi ta, nama chariahpazy nama hmiakô liata zaozi ta ama pao aw.

HEBRAI 11:34

Mei hmotaotheina pachhai ei ta, zaozi tiahpa khôkhâh ei ta, chiehleina tawhta thatlôpa ta taopa ama châ. Adyuhna liata pasaipha châ ei ta, chihropa pheisaihzy a chadai ei ta amâ râpai.

ZAWSUA 23:10

Abeipa nama Khazohpa ta bie châ taih ei ta, ano tlai ta nâmo châta â dyuhpa vâta, nâmo chyhsa pakha ta chyhsa sâh kha namâ chadaipai aw.

RYUREITUHPAZY 15:16

Chatawhcha Sâsawna ta, “Alâ kâh ru ta, Chahyh lymâ ei na ta; Alâ kâh ru ta, Chyhsa sâh kha ei tusao ei,” tah ta.

RYUREITUHPAZY 15:17

Bie a rei khaipa nahta, kâh ru â chabapa cha thy ta, cha su cha Ramâlehi tahpa a châ.

RYUREITUHPAZY 3:31

Ehu khai tawhta Anathâ sawchapawpa Sâkâ cha ryureituhpa vaw châ ta. Ano cha viahchao tona chôchahrei ta Philistinâ mo 600 a thiepa a châ. Ano chhao cha Izarei pachhatuhpa a châ hra.

RYUREITUHPAZY 4:21

Siserâ cha a thachhâ kawpa vâta mokuh pahâh ngaitapa ta â mô chhôh ta, Hebe lapinô Zaeli cha poh o khaipâna la ta, syulô chaba ta, Siserâ cha chadi ta, a siali liata a puapahliena taihta khai ta, thi ha ta.

RYUREITUHPAZY 7:16

A pheisaih 300 cha py thôh ta pachhaih ta, ama zydua ta chiahmie nata râchâ ruapazy chabasa chyu ta, râchâzy chhôh liata meirei soh ta.

1 SAMUELA 14:14

Zawnathâ nata a chariah chhaichhi a chabatuhpa ta Philistinâ mo ama thie tua chai noh liana chata, sâh bai khophie tuna rachhôh a kawhpa su liata chyhsa pakih tlai ama thie.

1 SAMUELA 14:6

Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.