RYUREITUHPAZY 15:14 - Mara Bible RV (BSI)

¹⁴ Lehi a tlô nahta, Philistinâ mo cha awh lymâna chôta ta ano lâ a vy ei ta. Abeipa Thlahpa cha a chô liata thlai vaw tlô ta, a bâh chahryna chaorizy cha, lari mei ta a kâ pachhôpa hawhta vaw châ ta, ano chahrynazy cha a kuzy tawhta tla khai ha ta.

RYUREITUHPAZY 15:14 ပူးပေါင်းရင်းမြစ်များ

ZAWBÂ 20:5

Hmoparaopa thaphana cha chyuta ta, Khazoh a pahno leipa alyna cha buakha deita a châ tahpa pahno beih va chi ma?

HLAZY 118:11

Na dôh ei ta, Su to tawhta na dôh ei ta, Abeipa moh ta ei chhawh pathlah khai ha ei.

HLAZY 18:34

Ei kuzy he adyuhna châta pachu ta, Ei bâhzy ta dawh libaw â kei thei.

PUASAINA 14:3

Chatanachata Phiraoh ta Izarei sawzy cha, ‘Râhchawhpa liata viavi ei ta, râhchawhpa liata amâ tâh haw,’ tahpa ta pachâ aw ta.

PUASAINA 14:5

Chyhsazy amâ râ khai haw tahpa Izi bei ama chho nahta, âmo kyh liata Phiraoh nata a chakaotuhpazy palôh anano ha heih ta, “Izarei sawzy miah ama chakao haipa tlai ta eima pasiesa thlâh hapa kha, kheihtazie ta kha hawhta a taopa ma eima châ tly?” tah ei ta.

MIKÂ 7:8

Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

PHILIPI 4:3

A châ na, raopaky ei kylâhpa chhao chi kha ei châ haw hra. Kha chanôzy kha vaw bao mah y. Âmo kha Klemena nata ei hrialâhpa hropa zydua chhaota thâtihpha vâta ei hriapasana liata nâ hrialâhpazy châ ei ta, hrona châbu liata ama moh a ypazy ama châ.

RYUREITUHPAZY 14:19

Abeipa Thlahpa cha a chô liata thlai vaw tlô ta, Askelaw lâ zu ta, chyhsa sythôh thie ta, âmo cha hrao ta, phôh zuapa a chhopasia theipazy hnohta apatlyna chysiazy cha pie ta, hiehâh ngaitana chôta a paw o lâ a lie ta.

RYUREITUHPAZY 14:6

Abeipa Thlahpa cha a chô liata thlai vaw tlô ta, a ku liata khâpa hmah â chaba leipa chhao ta, chakeibarôhneipa cha mietaw hriechheihpa hawhta a tlawhpoh ta hriechheih ha ta. Châhrasala a hmotaopa cha a paw tlyma, a nô tlyma chho vei.

RYUREITUHPAZY 15:13

Âmo ta a hnohta, “Cha thie aw ma pi, a chahry deita ta cha chahry aw pi ta, ama ku liata eima cha hlâ aw, cha thie cheita aw ma pi,” tah ei ta. Chatanachata chaori thiehpa miano ta chahry ei ta, lôpu tawhta a kaw chhi ei ta.

RYUREITUHPAZY 15:9

Philistinâ mo cha khy ei ta, Zudâh râh liata riehmo paryh ei ta, Lehi khih siehnao ei ta.

RYUREITUHPAZY 16:12

Chatawhcha Delilâ ta chaori thiehpazy la ta, chazy chata Sâsawna cha chahry ta, a hnohta, “Sâsawna, Philistinâ mo ta ama cha vaw siehnao” tah ta. Abyhtuhpa chyhsazy cha o chhôh via lâta chhôhpadâhpa liata y ei ta. Châhrasala a ku chahryna chaorizy cha lari hawhta chhie ha heih ta.

RYUREITUHPAZY 16:24

Zawpizy ta Sâsawna cha ama hmô nahta, ama khazoh cha reithai ei ta, “Eima khazoh ta eima chariahpa, eima râh a paraotuhpa, chyhsa hluhpi miah a thietuhpa cha, eima ku liata miah a pie haw,” tah ei ta.

RYUREITUHPAZY 16:9

Delilâ ta Sâsawna a byh awpa ta, o chhôh via lâta chhôhpadâhpa liata chyhsazy cha paysa ta. Chatawhcha Sâsawna hnohta, “Sâsawna, Philistinâ mo ta ama cha vaw siehnao” tah ta. Sâsawna ta libaw rizy cha, mei ta lari a kâ pachhôpa hawhta, naota ta chhie ha ta. A thatlôna bieru cha pahnopa châ pyly vei.

RYUREITUHPAZY 3:10

Abeipa thlahpa a chô liata vaw tlô ta, Izarei chô liata ryureih ta. Ôthane cha adyuhna lâ sie ta, Abeipa ta Mesôpôtamia bei Kusarisathai cha a ku liata pie ta, Kusarisathai cha a pahnie haw.

RYUREITUHPAZY 5:30

‘Hraona sôh hmô ei ta, Amâ rai ngâpa a châ aw, Mopakha ta laihsa pakha pano chyu ta amâ rai ngâpa a châ aw; Siserâ châta hraona poh rôh nypa, Hraona poh rôh nypa kikypa, Rao liata a ao awpa hraona poh rôh nypa kikypa cha, Siserâ châta zo no a châ aw,’” tah ta.

1 SAMUELA 10:10

Tlâh ama tlô nahta, moh teh u, hrohsopazy py ta ano cha a vaw tyh ei ta, Abeipa thlahpa cha a chô liata thatlô ngaitapa ta vaw tlô ta, hrohsopazy hry liata a hlaopa ta hrohsona bie phuah lymâ hra ta.

1 SAMUELA 10:6

Nâma chô liata chhao Abeipa thlahpa cha thatlô ngaitapa ta vaw tlô aw ta, nâ chhao ama hry liata a hlaopa ta hrohsona bie phuah hra aw chi ta, chyhsa nanopa lâta pananopa na vaw châ ha aw.

1 SAMUELA 11:6

Cha biezy cha a theipata nahta, Khazohpa thlahpa cha Sawla chô liata thatlô ngaitapa ta vaw tlô ta, a hie thata hâh ta.

1 SAMUELA 17:35

a chadai na ta, chhei na ta, a pakah tawhta mietakutaw ei pachha tyh mâ tâh. Eina thyuhnao khiahta cha, a barôh ta patu na ta, tusao na ta, ei thie tyh.

1 SAMUELA 4:5

Abeipa Biehrai Byh cha riehmo a vaw tlô nahta, Izarei zydua cha alei a chalyu ngâna taihta a paro ngaitapa ta awh ei ta.