RYUREITUHPAZY 15:11 - Mara Bible RV (BSI)

¹¹ Chatawhcha Zudâh chyhsa 3,000 zy cha Etamâ lôpu lâ zu ei ta, Sâsawna hnohta, “Philistinâ mo he eima chô liata ryureituhpazy ama châ tahpa pahno va chi ma? Khazia he hawhpa hmo he eima chô liata na tao?” tah ei ta. Sâsawna ta ama hnohta, “Ei chô liata ama taopa hawhta, ama chô liata ei tao hra,” tah ta.

RYUREITUHPAZY 15:11 ပူးပေါင်းရင်းမြစ်များ

1 THÂTIHZYRONA 4:3

Etamâ sawchapaw­zy cha Zezari, Ismâ nata Idabâ zy châ ei ta, ama sietanô moh cha Hâzelepôni a châ.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

RYHPACHANEINA 28:13

Tanoh ta bie ei cha piepa ei, Abeipa nama Khazohpa biepiepazy he zyhpa ta, pakhâta nama tao khiahta cha, Abeipa nama Khazohpa ta chaolahmei châ leipa ta, luh ta cha tao aw ei ta; a ry châ leipa ta, a chô ta a cha tao aw ei.

RYHPACHANEINA 28:43

“Chihropa nama hry liata a ypazy nâmo hlâta a sâh via rili aw ei ta, nâmo deikua cha namâ hnai via lymâ aw.

RYUREITUHPAZY 13:1

Izarei sawzy cha Abeipa mohmô ta moleina hmo tao heih ei ta, chavâta Abeipa ta âmo cha Philistinâ mo ku liata kô sypalih paysa ta.

RYUREITUHPAZY 14:4

A nô nata a paw ta, cha hmo cha Abeipa pachhuahpanohpa a châ tahpa pahno veih ei. Philistinâ mo a dyuh awpa ta Khazohpa ta ryhpaohna a taopa a châ. He daihti he Philistinâ mo ta Izarei chô liata ryu ama rei daihti a châ.

RYUREITUHPAZY 15:10

Zudâh chyhsazy ta, “Khazia miah a dyuh awpa ta namâ vy thlâh haw,” tah ei ta. Philistinâ mo ta, “Sâsawna chahry awpa ta eimâ khy, eima chô liata a taopa hawhta ano chô liata tao hra awpa ta,” tah ei ta.

RYUREITUHPAZY 15:12

Âmo ta a hnohta, “Cha chahry ta, Philistinâ mo ku liata cha hlâ awpa ta eimâ zu,” tah ei ta. Sâsawna ta ama hnohta, “Nâmo ku ta na thie lei awpa ta bie nâ taih teh u,” tah ta.