RYUREITUHPAZY 14:3 - Mara Bible RV (BSI)

³ A nô nata a paw ta a hnohta, “Na heinawh sawchanôzy hry liata tlyma, eima chiheih zydua hry liata tlyma, chanô y tlâ veih ei ma, khazia chopawtaileipa Philistinâ mo cha lapinô ta na hnei thlâh ha aw?” tah ei ta. Châhrasala Sâsawna ta a paw hnohta, “Na hiapa thlâh ha teh, ei mo nâ dy kawpa chanô a châ,” tah ta.

RYUREITUHPAZY 14:3 ပူးပေါင်းရင်းမြစ်များ

ÂTHAONA 13:8

Abarâ ta Lawta hnohta, “Nâma nata keima likah liata ahryuna y leipa sala, na sahroh vaituhpazy nata ei sahroh vaituhpazy likah liata chhao ahryuna y hra khah sy. Heinawh eima châ hih.

ÂTHAONA 21:27

Abarahâ ta mietakuzy nata viahchao tôhpazy a chhi ta, Abimele cha pie ta, chatanachata ama pano likah liata biehrai tao ei ta.

ÂTHAONA 34:14

Ama hnohta, “Paryhsa thei ma pi. Chopawtaileipa chyhsa lâ eima sietanô soh thei ma pi. Cha hawhta taopa cha keimo châta nohzaona a châ aw.

2 SAMUELA 1:20

Kâthâ liata chho leipa u la, Askelaw lâpizy liata phuah khuh vy; Philistinâ zuahzy a ly aw ei ta, Chopawtaileipa sawchanôzy ama thapha pathlei aw na.

ZAWSUA 23:12

Hnôh lâ a heihpa ta, phopi laibâhpa nama hry liata a pahrâpazy a zaokhipa ta, a hnei pahlao u la, nama o cha kiah ei sala, ama o nama kiah khiahta cha,

RYUREITUHPAZY 14:2

A khy ta, a nô nata a paw chho ta, ama hnohta, “Timnah khih liata Philistinâ zuah pakha ei hmô. Ei lapinô châta na hiapa teh u,” tah ta.

RYUREITUHPAZY 15:18

Chatawhcha Sâsawna cha a dâhphi kaw ta, Abeipa pado ta, a hnohta, “Na sei hmâpa ta he pachhana he vaw patlôsa ha chi ta, tahmâ dâhphipa ta thipa ta, chopawtai leipazy ku liata ei pao aw ma?” tah ta.

1 SAMUELA 14:6

Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.

1 SAMUELA 31:4

Sawla ta a chariah chhaichhi a chabatuhpa hnohta, “Na zaozi kha phia la, nâ vaw chôsao teh, chataleipatala chopawtaileipa sahlaozy a vy aw ei ta, nâ vaw chôsao aw ei ta, einâ palai thlu pathlei aw ei na,” tah ta. Châhrasala a chariah chhaichhi chabatuhpa cha a chi ngaitapa vâta tao kho leipa ta. Sawla ta ano zaozi la ta, pao thlu ta.