RYUREITUHPAZY 14:18 - Mara Bible RV (BSI)

¹⁸ A noh sarina noh, noh a tla hlâta, cha khih chyhsazy ta Sâsawna hnohta, “Kheihti hlâta khâpa ma a thlôh via? Chakeibarôhneipa hlâta khâpa ma a thatlô via?” tah ei ta. Sâsawna ta ama hnohta, “Ei viahchao zeinô heta lei palie vei mawh ei chi sala cha, Ei phôh zuapa pahno tiarâh aw veih ei chi,” tah ta.

RYUREITUHPAZY 14:18 ပူးပေါင်းရင်းမြစ်များ

2 SAMUELA 1:23

“Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

HLAZY 81:16

Nâ deikua cha sâh pahâh chaipa ta cha pasa aw na ta, Lôpanô tawhta kheihti ta lôhrâ ei cha patlô aw.”

BIESOZY 30:30

Chakeibarôhneipa cha râhsazy hry liata thatlô chaipa châ ta, Khâpa ta hmahta pasysa thei vei.

EZEKIA 1:10

Ama papalih ta ama hmia lâ cha chyhsapa hmia phaoh ei ta, ama chachâh lâta chakeibarôhneipa hmia phaoh ei ta, ama chavei lâta viahchao tôhpa hmia phaoh ei ta, ama hnôhky lâta pahmôhpi hmia ama phaoh.

RYUREITUHPAZY 14:17

Ama kyhchhi noh sari chhôh zydua cha a hmiakô liata cha ngâ thlâh ha ta, a noh sarina noh liata, thata â hawpa vâta chho ha ta. Chatawhcha Sâsawna phôh zuapa cha a lapinô ta a chiheihzy cha chho ta.

RYUREITUHPAZY 14:19

Abeipa Thlahpa cha a chô liata thlai vaw tlô ta, Askelaw lâ zu ta, chyhsa sythôh thie ta, âmo cha hrao ta, phôh zuapa a chhopasia theipazy hnohta apatlyna chysiazy cha pie ta, hiehâh ngaitana chôta a paw o lâ a lie ta.