RYUREITUHPAZY 14:17 - Mara Bible RV (BSI)

¹⁷ Ama kyhchhi noh sari chhôh zydua cha a hmiakô liata cha ngâ thlâh ha ta, a noh sarina noh liata, thata â hawpa vâta chho ha ta. Chatawhcha Sâsawna phôh zuapa cha a lapinô ta a chiheihzy cha chho ta.

RYUREITUHPAZY 14:17 ပူးပေါင်းရင်းမြစ်များ

ÂTHAONA 3:6

Chanô ta tho theipa cha moh ta, nie awpa châta phapa nata mo la ngaitapa a châpa ta hmô ta, sona hnei thei nawpa tho thei hiatlia chhihpa a châzie a pahno nahta, a thei cha lyu ta, nie ta, a hnohta a ypa a vahpa chhao pie ta, ano chhao nie hra ta.

ZAWBÂ 2:9

A lapinô ta a hnohta, “Na ngâchhihna cha tahmâ taihta â ipa ta na patu lymâ aw ma? Khazohpa chô liata chhiesa la, thi thla ha bâ mah y,” tah ta.

BIESOZY 7:21

A reikah thaina ta satliapa cha pahnie ta, A reih pahniana ta a sydie haw.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

MIKÂ 7:5

Na opapa zo leipa la, Na viasa chhao ngâ khah y; Na kalachhôh liata a ziapa tawhta Na pakah ochhi vaih mah y.

LUKA 11:8

Ei cha chho ei, a viasa a châpa vâta thyupa ta a pie leipa chhao ta, bâh leipa ta a hia ngâ thlâh hapa vâta, thyu aw ta â ngiahpa hawhta a pie aw.

RYUREITUHPAZY 14:16

Sâsawna lapinô ta a vahpa cha cha thlu ta, a hnohta, “Einâ hao kaw chi he. Kyh na pachâ hmeiseih va chi. Ei chiheihzy phôhpa zua chi ta, khâpa ma a châ tahpa kei chhao na chho khoh chi va,” tah ta. Sâsawna ta a hnohta, “Pachâ teh, ei nô nata ei paw hmah chho veih ei na, khazia nâ cha ei cha chho aw?” tah ta.

RYUREITUHPAZY 14:18

A noh sarina noh, noh a tla hlâta, cha khih chyhsazy ta Sâsawna hnohta, “Kheihti hlâta khâpa ma a thlôh via? Chakeibarôhneipa hlâta khâpa ma a thatlô via?” tah ei ta. Sâsawna ta ama hnohta, “Ei viahchao zeinô heta lei palie vei mawh ei chi sala cha, Ei phôh zuapa pahno tiarâh aw veih ei chi,” tah ta.

RYUREITUHPAZY 16:13

Delilâ ta Sâsawna hnohta, “Tahmâ taihta na dôvei chi ta, haipa biezy eina chho ngâ thlâh ha chi. Kheihta chahry thei awpa ma na châ, na chho teh,” tah ta. Sâsawna ta a hnohta, “Ei luh sâ phiehpa phao saripazy he thai liata sa pâ la, thaiphia ta na chhuh pa-i ha khiahta cha, ei tha vaw chhâ aw ta, chyhsa tyhpa hawhta ei vaw châ ha aw,” tah ta.

RYUREITUHPAZY 16:16

Delilâ ta noh chareih dycharao ta, â haw ngâ thlâh hapa vâta, Sâsawna cha thina taihta a hro nôpo ta.

RYUREITUHPAZY 16:6

Chatanachata Delilâ ta Sâsawna hnohta, “Na thatlôna rônahpa he khâpa liata ma a y, kheihta ma chahry theipa ta y aw chi ta, pasasapa ta na y thei aw, tahpa ngiachhiepa ta na chho teh,” tah ta.