RYUREITUHPAZY 14:15 - Mara Bible RV (BSI)

¹⁵ A noh palihna noh ta, Sâsawna lapinô hnohta, “A phôh zuapa pahno awpa ta na vahpa reipasao la, keimo miah chho teh, chataleipatala nâ nata na paw o he mei ta eima rao aw. Maniah pachhâpakhu awpa ta ma miah nama hrua?” tah ei ta.

RYUREITUHPAZY 14:15 ပူးပေါင်းရင်းမြစ်များ

BIESOZY 1:11

“Eima hnohta a vy la, Thisaih palo awpa ta a byh sih la, A chhâpa y leipa ta paraona a hnei leipazy a byh ei suh u.

BIESOZY 5:3

Chanô ngâchhih leipa hmao cha kheihti hawhta a thlaoh ta, A pakah chhao sathaw hlâta a pahnia via.

BIESOZY 6:26

Viahchhâ tlâ kha ta âzuahnô chalei theipa châ ta, Vahpa chhaopa chanô a châna a hro zachhihna deikua a pahlei aw.

MIKÂ 7:5

Na opapa zo leipa la, Na viasa chhao ngâ khah y; Na kalachhôh liata a ziapa tawhta Na pakah ochhi vaih mah y.

RYUREITUHPAZY 12:1

Epharai mo ta ama pheisaih awpakhy ei ta, Zaphô lâ sie ei ta, Zephathâ hnohta, “Khazia ma Amawna mo a dyuh awpa ta sie chi ta, na hnohta sie awpa ta miah na hrua vei? Na o dua ta mei ta eima cha rao pâ ha aw,” tah ei ta.

RYUREITUHPAZY 14:14

Sâsawna ta ama hnohta, “Nietuhpa tawhta nie awpa vaw pua ta, Thatlôpa tawhta hmo thlôhpa a vaw pua,” tah ta. Phôh zuapa cha noh thôh chhôh ta chhopasia thei leipa ei ta.

RYUREITUHPAZY 15:6

Philistinâ mo ta, “Ahy ma he hmo he a tao?” tah ei ta. Âmo ta, “Timnah chyhsa piahpa Sâsawna taopa a châ hih, a puhpa ta a lapinô chhu ta, a viasapa a pie hapa vâta a châ,” tah ei ta. Chatawhcha Philistinâ mo cha khy ei ta, chanô nata a paw cha mei ta raosao ei ta,

RYUREITUHPAZY 16:5

Philistinâ beimachâzy cha chanô lâ khy ei ta, a hnohta, “Reipasao la, a thatlô ngaitana he khâpa liata ma a y, kheihta tao sih la ma ano he patu thei aw pi ta, chahrypa ta eima panawh thei aw, tahpa pahno a chhuah mah y. Eima zydua ta tâkâ tlaw 1,100 chyu eima cha pie aw,” tah ei ta.