RYUREITUHPAZY 13:7 - Mara Bible RV (BSI)

⁷ Châhrasala ei hnohta, ‘Saw phaoh aw chi ta, sawchapaw na sa aw. Hawti cha chhi liata a y no tawhta a thina taihta Khazohpa châta Nâzarai a châ awpa vâta, kresawhti tlyma, sahma patapa tlyma, na do awpa châ leipa ta, hmo pathaih leipa rai na nie awpa châ vei,’ eina tah,” tah ta.

RYUREITUHPAZY 13:7 ပူးပေါင်းရင်းမြစ်များ

ZEREMIAH 35:6

Châhrasala âmo ta, “Kresawhti doh aw ma pi. Miah pathlatuhpa Rekhâ sawchapawpa Zônadâ ta, ‘Nâmo nata nama sawchapawzy cha chhâzaw ta kresawhti nama do awpa châ vei.

AMÔSÂ 2:11

Nama sawchapaw thokha hrohsopazy ta padua ei na ta, Nama thyutlia thokha Nâzarai ta ei padua ei. Hy Izarei sawzy saih u, Cha hawhna tlai chata châ vei ma?” Abeipa ta a tah.

MALUHREINA 6:2

“Izarei sawzy chho la ama hnohta hetana heta reih teh: Chapaw tlyma, chanô tlyma ta Abeipa châta panano eihpa Nâzarai chyhsa châ awpa ta bietai a ipa a tao khiahta cha,

RYUREITUHPAZY 13:4

Chavâta a sohsi teh, kresawhti nata sahma patapa rai doh leipa la, hmo pathaih leipa khâpa hmah na nie awpa châ vei.

RYUREITUHPAZY 13:6

Chanô cha a vy ta, a vahpa hnohta, “Khazohpa chyhsa pakha ei hnohta a vy ta, â lânazie cha Khazohpa vâlyuhchâpa a lâzie lyu ta, chi â chhih ngaita. Khataih lâ chyhsa ma a châ tahpa hiahri leipa na ta, ano ta a moh na chho hra vei.

RYUREITUHPAZY 13:8

Chatawhcha Manôah cha Abeipa lâ thlahchhâ ta, a hnohta, “Hy Abeipa y, ngiachhiepa ta Khazohpa chyhsa na vaw tuapa kha, keimo lâ a vy heih sala, hawti a vaw pih awpa cha kheihta ma eima mohôh aw tahpa miah vaw pachu mawh sy,” tah ta.